தினகரன் 26.11.2010
மணவாளக்குறிச்சியில் ரூ75 லட்சம் செலவில் சாலைகள் சீரமைப்பு
மணவாளக்குறிச்சி, நவ.26: மணவாளக்குறிச்சி பேரூராட்சியில் ரூ75 லட்சம் மதிப்பீட்டில் சாலைகளை சீரமைப்பது என பேரூராட்சி அவசரக் கூட்டத்தில் தீர்மானம் நிறைவேற்றப்பட்டது.
மணவாளக்குறிச்சி பேரூராட்சியின் அவசர கூட்டம் துணைத்தலைவர் குட்டிராஜன் தலைமையில் நடந்தது. செயல் அலுவலர் ராஜேஸ்வரி தேவகிருபை முன்னிலை வகித்தார். கவுன்சிலர்கள் மரிய ஜெயந்தன், லீனஸ், முகம்மதுராபி, மைதீன்கான், முருகேசன், ஸ்ரீகுமார், ராஜன்பாபு, சாகிராபீவி ஆகியோர் கலந்து கொண்டனர்.
கூட்டத்தில் 2010 & 2011 சிறப்பு சாலைகள் திட்டத்தில் ரூ40.50 லட்சத்தில் ஏலாக்கரை முதல் வள்ளியாற்றின் கரை வரை சாலையில் தார்தளம் அமைத்தல், ரூ34.50 லட்சத்தில் குன்னங்காடு ஸ்ரீகிருஷ்ணன்கோவில் சாலை முதல் வடக்கன்பாகம் பாறவிளை வரை மற்றும் சின்னவிளை குருசுபாறை முதல் பாபுஜி மேல்நிலைப்பள்ளி மீனவர் ஓய்வு அறை வரை தெருவில் காங்கிரீட் தளம் அமைப்பது எனவும் தீர்மானங்கள் நிறைவேற்றப்பட்டன.
