தினகரன் 14.12.2010
ரூ.3.54 கோடியில் சிறப்பு சாலைகள்
சின்னமனூர், டிச. 14: தமிழக அரசு ரூ.10 ஆயிரம் கோடி சிறப்பு சாலைகள் திட்டத்தின் வாயிலாக ஒதுக்கீடு செய்து தமிழ்நாடு முழுவதும் நகராட்சி பகுதிகளில் சிறப்பு சாலைகள் அமைக்க உத்தரவிட்டுள்ளது. அதன்படி தேனி மாவட்டம் சின்னமனூர் நகராட்சிக்கு மட்டும் ரூ.3.54 கோடி ஒதுக்கப்பட்டுள்ளது.
இந்த நிதியில் நகர் முழுவதும் சிறப்பு சாலைகள் அமைக்க இடங்கள் தேர்வு செய்யப்பட்டுள்ளன. முதற்கட்டமாக ராதாகிருஷ்ணன் ரைஸ்மில் தெரு வில் மயானச்சாலைக்கு தார்ச்சாலை அமைக்கும் பணி துவங்கியது. இதை நகராட்சி தலைவர் தமிழ்செல்வி பார்வையிட்டார்.
