தினகரன் 15.12.2010
சாலை சீரமைப்பு பணி தீவிரம்
குன்னூர், டிச.15: குன்னூர் நகராட்சிக்கு உட்பட்ட கரடி பள்ளம் சாலை ரூ.54 லட்சத்திலும், கோத்தகிரி சாலையில் இருந்து சி.எம்.எஸ் செல்லும் இணைப்பு சாலை ரூ.92 லட்சத்திலும், சிங்காரா செல்லும் சாலை ரூ.1 கோடியே 47 லட்சத்து 50 ஆயிரம் மதிப்பில் சிறப்பு சாலை திட்டத்தின் கீழ் சீரமைக்கப்பட உள்ளது. இப்பணிகள் தற்போது துவங்கியுள்ளது.
இதுகுறித்து நகராட்சி தலைவர் ராமசாமி கூறும்போது, மோசமான நிலையில் உள்ள இந்த 3 சாலைகளும் உடனடியாக சீரமைக்க முடிவு செய்து அரசிடம் இருந்து கிடைக்க பெற்ற நிதியில் பணியை துவக்கி உள்ளோம். தேவையான இடங்களில் சிமெண்ட் தளம் அமைக்கப்படும். மேலும், முறையான மழை நீர் வடிகால் ஏற்படுத்தப்படும்.
