தினகரன் 09.03.2013
அயனாவரத்தில் ரூ2.42 கோடியில் சாலை விரிவாக்கம்
சென்னை: சென்னை மாநகராட்சி சார்பில் அயனாவரம் சாலை மற்றும் ராஜு தெரு ரூ2 கோடியே 42 லட்சத்து 66 ஆயிரம் செலவில் அகலப்படுத்தி செப்பனிடப்படுகிறது. இப்பணி தொடக்க விழா நேற்று காலை நடந்தது. மேயர் சைதை துரைசாமி தொடங்கி வைத்தார்.
நிகழ்ச்சியில் எம்எல்ஏக்கள் ஜே.சி.டி.பிரபாகரன், நீலகண்டன், கவுன்சிலர் ராசு உள்ளிட்ட மாநகராட்சி அதிகாரிகள் கலந்து கொண்டனர்.
இதுகுறித்து மாநகராட்சி அதிகாரிகள் கூறுகையில், ‘சுமார் 1420 மீட்டர் அளவுக்கு சாலை அகலப்படுத்தி செப்பனிடப்படுகிறது. இப்பணியை 3 மாதத்தில் முடிக்க ஒப்பந்ததாரர்களுக்கு உத்தரவிடப்பட்டுள்ளது‘ என்றார்.
