தினமணி 2.12.2009
ராசிபுரம் நகராட்சிப் பகுதியில் ரூ.50 லட்சம் செலவில் சாலை சீரமைப்புப் பணிகள்
ராசிபுரம்,டிச.1 : ராசிபுரம் நகராட்சிப் பகுதியில் உள்ள பிரதான சாலைகள், சாக்கடைகள் சீரமைப்பு பணிகளுக்கு ரூ.50 லட்சம் நிதி ஒதுக்கி பணிகளை மேற்கொள்ளவும், பழைய பேருந்து நிலையத்தில் உள்ள நகராட்சி தங்கும் விடுதியை ரூ.4 லட்சம் செலவில் புதுப்பிக்கவும் நகர்மன்றக் கூட்டத்தில் தீர்மானங்கள் நிறைவேற்றப்பட்டுள்ளன.
2009-10-ம் ஆண்டின் 12-வது நிதிக் குழு பரிந்துரை மானியம் ரூ.3 லட்சத்தில் மாரப்பன் தோட்டத்தில் உள்ள மண் சாலையை தார் சாலையாக மாற்றுதல், 12-வது வார்டில் இ.ஆர்.ஏ.ராமலிங்கம் தெருவில் ரூ.1.35 லட்சத்தில் தார் சாலை புதிப்பிக்கும் பணிகள், 20-வது வார்டில் கோனேரிப்பட்டி எக்ஸ்டென்சன் 2-ல் ரூ.1.50 லட்சம் செலவில் சாலை புதுப்பிப்பு, 24-வது வார்டு குப்புதாசன் தெரு, விநாயகம் தெரு போன்ற பகுதிகளில் ரூ.1.40 செலவில் சாலை புதுப்பிப்பு, 20-வது வார்டு சாக்கடை வசதிóக்கு ரூ.1.40 லட்சம் போன்றவை இதில் அடங்கும்.நகராட்சி பூங்கா பெயர் பலகைக்கு ரூ.1.20 லட்சம்:நகராட்சிக்கு சொந்தமான 34 பூங்காவிற்கு பெயர் பலகை அமைக்கும் பணிக்கு ரூ.1.20 லட்சம் ஒதுக்கீடு செய்யப்பட்டுள்ளது.
சுவாமி சிவானந்தா சாலை சீரமைப்பு பணிக்கு ரூ.8 லட்சம், சி.பி.கன்னைய்யா தெருவில் சாலை அமைக்கும் பணிக்கு ரூ.9.50 லட்சம், டி.வி.எஸ்.சாலை சீரமைப்புக்கு ரூ.1.80 லட்சம் ஒதுக்கி பணிகள் மேற்கொள்ள நகராட்சி முடிவு செய்துள்ளது.
