தினமணி 16.02.2010
சாலை அமைக்க பூமி பூஜை
புதுச்சேரி, பிப். 15: புதுச்சேரி லாஸ்பேட்டை தொகுதியில் சாலை அமைக்க பூமி பூஜை அண்மையில் நடைபெற்றது.
÷லாஸ்பேட்டை தொகுதி கருவடிக்குப்பம் பகுதியில் பாரதி நகர், நாகம்மாள் நகர் உட்புற வீதிகளுக்கு வடிகால் வசதியுடன் தார் சாலை அமைக்க சட்டமன்ற உறுப்பினர் தொகுதி மேம்பாட்டு நிதியிலிருந்து ரூ.6.24 லட்சம் நிதி ஒதுக்கப்பட்டுள்ளது.
÷இதற்கான பணிகளை பொதுப்பணித்துறை அமைச்சரும், அப்பகுதி சட்டமன்ற உறுப்பினருமான ஷாஜகான் பூமி பூஜை செய்து தொடங்கி வைத்தார். இளநிலை பொறியாளர் வெங்கடேசன், ஊர் பிரமுகர்கள், சீனுவாசன், தினகரன், பத்மநாபன், முருகானந்தம் உள்ளிட்டோர் பங்கேற்றனர்.
