Urban News

சென்னை, டிச.2: சென்னை மாநகராட்சிக்குட்பட்ட பகுதிகளில் மழையால் சேதமடைந்த சாலைகளை 10 நாட்களுக்குள் சரிசெய்ய நடவடிக்கைகள் எடுக்கப்பட்டு வருவதாக மாநகராட்சி ஆணையாளர் டபிள்யூ.சி. டேவிதார் தெரிவித்தார்.

இதுகுறித்து சென்னை மாநகராட்சி வெளியிட்ட செய்திக்குறிப்பு:

சென்னை மாநகரில் கடந்த சில நாட்களாக பெய்த வடகிழக்கு பருவ மழையாலும், சேவைத் துறைகளால் மேற்கொள்ளப்பட்ட சாலை வெட்டுப் பணிகளாலும், பெரும்பாலான சாலைகள் குண்டும்,குழியுமாக சாலைகள் சேதமடைந்துள்ளன.

இதுகுறித்து, சென்னை மாநகராட்சி ஆணையாளர் பி.டபிள்யூ.சி. டேவிதார்  மண்டல அலுவலர்கள் மற்றும் அனைத்து துறைத்தலைவர்களுடன் ஆய்வு கூட்டம்  நடத்தினார்.

இக்கூட்டத்தில் ஆணையர் தெரிவிக்கும்போது,  சேதமடைந்துள்ள சாலைகளை சீர்படுத்த முதல்வர் உத்தரவிட்டுள்ளார்.  அதன் அடிப்படையில் மாநகராட்சி நிர்வாகமானது பொது மக்களுக்கும், வாகன ஓட்டிகளுக்கும் ஏற்படும் சிரமத்தை குறைக்கும் வகையில் தமிழக அரசின் நிதிஉதவியுடன் விரிவுபடுத்தப்பட்ட சென்னை மாநகராட்சியில் உள்ள அனைத்து பகுதிகளில் மழையின் காரணமாக சேதடைந்துள்ள சாலைகளில் ஏற்பட்டுள்ள உள்ள குழிகளில் கட்டட இடிபாடுகள், செங்கற்கள், மூலம் செப்பனிட்டு  சாலைகளை போக்குவரத்து வசதி முழு அளவில் ஏற்படுத்தும் பொருட்டு,  10 நாட்களுக்குள்  சரிசெய்ய வேண்டும் என்றார்.

  பேருந்து சாலைகளுக்கு முன்னுரிமை அளித்து, இக்குறைகளை போக்க வேண்டும். மேலும்,  புதிதாக சென்னை மாநகராட்சியுடன் இணைக்கப்பட்டுள்ள  15 மண்டல பகுதிகளில் உள்ள சாலைகளை சரி செய்ய ஒவ்வொரு மண்டலத்திற்கும் 2 லாரிகள், 2 ஜே.சி.பி. இயந்திரம், 1 ரோடு ரோலர் மற்றும் ஒரு வார்டுக்கு 10 பணியாளர்களைக் கொண்டு போர்க்கால அடிப்படையில் இரவு, பகல் பாராமல் இப்பணியினை விரைந்து முடிக்க ஆணையிட்டார்.

இக்கூட்டத்தில், அனைத்து துறைத்தலைவர்கள் மற்றும் மண்டல அலுவலர்கள் கலந்து கொண்டனர்.

  கோ-அபிஷேகபுரம் கோட்டம் சக்திநகர் குறுக்குத் தெருவில் ரூ. 23.97 லட்சத்தில் 466 மீட்டர் நீளத்துக்கு தார்ச்சாலை அமைக்கும் பணி, பாபா காலனி, எடமலைப்பட்டிபுதூர் ஸ்டேட் வங்கி காலனி 1,2-வது தெருவில் ரூ. 28.33 லட்சத்தில் 1416 மீட்டர் நீளத்துக்கு தார்ச்சாலை அமைக்கும் பணி, முருகன் நகர் 1-வது தெருவில் 375 மீட்டர் நீளத்துக்கு ரூ. 12.18 லட்சத்தில் சிமென்ட் சாலை அமைக்கும் பணி, சக்தி காலனியில் 330 மீட்டர் நீளத்துக்கு ரூ. 12.79 லட்சத்தில் சிமென்ட் சாலை அமைக்கும் பணி ஆகியவற்றை ரகுநாதன் பார்வையிட்டார்.

  தொடர்ந்து பொன்மலைக் கோட்டம், ஸ்ரீரங்கம் கோட்டம் ஆகிய பகுதிகளில் நடைபெற்று வரும் அனைத்துப் பணிகளையும் அவர் பார்வையிட்டு ஆய்வு செய்தார். பணிகளை விரைவாக காலக்கெடுவுக்குள் செய்து முடிக்க அறிவுரை வழங்கினார்.

  இந்த ஆய்வின்போது, நகரப் பொறியாளர் எஸ். ராஜா முகம்மது, செயற்பொறியாளர்கள் ஆர். சந்திரன், எஸ். அருணாசலம், உதவிச் செயற்பொறியாளர் எஸ். நாகேஷ், என். பாலகுருநாதன், எஸ். கண்ணன் உள்ளிட்டோர் உடனிருந்தனர்.