Urban News

உடுமலை:உடுமலையில் போக்குவரத்து நெரிசலை குறைக்க திருப்பூர், தாராபுரம் ரோடுகளை இணைக்கும் திட்ட சாலை அளவீடு பணிகள் துவங்கியுள்ளது.உடுமலை நகருக்கு வரும் வாகனங்கள் மற்றும் கோவை- திண்டுக்கல் தேசிய நெடுஞ்சாலையில் வரும் வாகனங்கள் அனைத்தும் ஒரே வழித்தடமாக பொள்ளாச்சி-பழநி ரோட்டை பயன்படுத்த வேண்டியதுள்ளது. இதனால், போக்குவரத்து நெரிசல் மற்றும் விபத்துக்கள் தொடர்ந்து அதிகரித்து வருகிறது.உடுமலை நகரில் தொடரும் போக்குவரத்து நெரிசலுக்கு தீர்வாக, பைபாஸ் ரோடு அமைக்க வேண்டும் என பல ஆண்டுகளாக கோரிக்கை விடப்பட்டு வருகிறது. ஆனால், பை பாஸ் ரோடு அமைப்பதில் இழுபறியாகி வருகிறது.

இந்நிலையில், நகராட்சி சார்பில் 100 அடி திட்ட சாலை அமைக்க திட்டமிடப்பட்டுள்ளது. ஏற்கனவே, மின் வாரியத்தின் உயர் மின்னழுத்த கோபுரங்கள் இரண்டு மின் வழித்தடத்தில் அமைந்துள்ளது. இதற்கு இடையிலுள்ள 110 அடி இடத்தில், 100 அடி ரோடு அமைக்க நகராட்சியால் திட்டமிடப்பட்டது.ஏற்கனவே, உடுமலை பஸ் ஸ்டாண்ட் முதல் தாராபுரம் ரோடு வரை 100 அடி திட்ட சாலை அமைக்கப்பட்டுள்ளது.தற்போது, தாராபுரம் ரோடு முதல் திருப்பூர் ரோடு வரையுள்ள ஒரு கிலோ மீட்டர் தூரம் மற்றும் விடுபட்ட திட்ட சாலை பணிகளையும் மேற்கொள்ள நகராட்சி திட்டமிட்டுள்ளது.இதற்கான அளவீடு பணிகள் மற்றும் ரோடு அமைக்கும் இடங்கள் சுத்தம் செய்யும் பணிகள் துவங்கின. நகராட்சி தலைவர் வேலுசாமி மற்றும் அதிகாரிகள் திட்ட சாலை அமையவுள்ள பகுதிகளை ஆய்வு செய்தனர்.நகராட்சி தலைவர் கூறுகையில், "உடுமலை நகரில் போக்குவரத்து நெரிசலை தவிர்க்கும் வகையில் நகராட்சி சார்பில் ஏற்கெனவே 300 மீட்டர் தூரத்திற்கு 100 அடி திட்ட சாலை அமைக்கப்பட்டுள்ளது. இந்த ரோடு தாராபுரம் ரோடுடன் இணைக்க சில மீட்டர் தூரம் மீதம் உள்ளது. திருப்பூர் ரோடையும் இணைக்க நிலம் எடுக்கப்பட வேண்டியுள்ளது. டவர்களுக்கு கீழ் எந்த பணிகளும் மேற்கொள்ள முடியாது. இதை கணக்கிட்டு திட்ட சாலை அமைக்கப்படுகிறது. விரைவில் ரோடு அமைக்கும் பணிகள் துவங்கும் என்றார்.

திருநெல்வேலி,செப்.21:​ ​ திருநெல்வேலி மாநகர் பகுதியில் 65 கி.மீ. சாலையைப் புதுப்பிக்க அரசு ரூ. 25 கோடி ஒதுக்கியுள்ளதாக,​ மேயர் அ.லெ. சுப்பிரமணியன் தெரிவித்தார்.

​ திருநெல்வேலி மாநகராட்சி தற்போது 868.24 கி.மீ. சாலையைப் பராமரித்து வருகிறது. இச் சாலைகள் சிறப்பாக பராமரிக்கப்பட்டு வருகின்றன. இருப்பினும் புதிய குடிநீர்த் திட்டத்துக்காக குழாய் பதிக்கும் பணி,​ பாதாள சாக்கடைத் திட்டத்துக்காக குழாய் பதிக்கும் பணி,​ மழை,​ வெள்ளம் ஆகியவற்றால் பல சாலைகள் பழுதடைந்துள்ளன.

​ இந்நிலையில்,​ தமிழகத்தில் உள்ள சாலைகளைச் சீரமைக்க அரசு ரூ. ஆயிரம் கோடி ஒதுக்கியது. இந் நிதியில் இருந்து,​ திருநெல்வேலி மாநகராட்சி சாலைகளைச் சீரமைக்க நிதி ஒதுக்க வேண்டும் என கூறினோம். இதற்காக நகரில் தற்போது மோசமாக இருக்கும் சாலைகளை ஆய்வு செய்து,​ அதைச் சீரமைக்க ஆகும் செலவு,​ காலம் போன்ற தகவல்களுடன் மாநகராட்சி உயர் அதிகாரிகள்,​ உள்ளாட்சித் துறை உயர் அதிகாரிகளை சந்தித்தனர்.

​ ​ அரசு மானியமாக வழங்கியுள்ள இந் நிதியைக் கொண்டு,​ சிமென்ட்,​ தார் சாலைகள் புதிதாக அமைக்கப்படும். சாலைகள் புதுப்பிக்கும் பணி இந்த நிதியாண்டுக்குள் நிறைவடையும்.

​ பின்னர்,​ மாநிலத்தில் உள்ள மாநகராட்சிப் பள்ளிகளில் எஸ்.எஸ்.எல்.சி. தேர்வில் முதலிடம் பிடித்த,​ திருநெல்வேலி நகரம் கல்லணை மேல்நிலைப் பள்ளி மாணவி

​ மாநகராட்சி ஆணையர் என். சுப்பையன்,​ மண்டலத் தலைவர்கள் எஸ்.விஸ்வநாதன்,​ சுப. சீதாராமன்,​ எஸ்.எஸ். முகம்மது மைதீன்,​ உதவி ஆணையர் ​(பொறுப்பு)​ எல்.கே. பாஸ்கர் ஆகியோர் உடனிருந்தனர்.