Urban News

பெரம்பலூர், ஜூன் 13: பெரம்பலூர் நகரில் சேதமடைந்த சாலைகளைச் சீரமைக்க வேண்டுமென பொதுமக்கள் வலியுறுத்துகின்றனர்.

பெரம்பலூர் நகராட்சிக்குட்பட்ட 21 வார்டுகளிலும் ரூ. 23.5 கோடியில் புதை சாக்கடைத் திட்டப் பணிகள் தொடங்கப்பட்டு, தற்போது 90 சத பணிகள் நிறைவடைந்துள்ளன. புதை சாக்கடைத் திட்டப் பணிகள் முடிவடைந்த பகுதிகளில் உடனடியாக சாலைகள் சீரமைக்கப்படும் என்று நகராட்சி நிர்வாகம் சார்பில் அறிவிக்கப்பட்டது.

ஆனால், ஒரு சில பகுதிகளைத் தவிர மற்ற பகுதிகளில் சாலைகள் சீரமைக்கப்படவில்லை. இதனால் குண்டும், குழியுமாக போக்குவரத்துக்கு லாயக்கற்ற நிலையில் சாலைகள் காணப்படுகின்றன.

குறிப்பாக, பெரம்பலூர் பகுதியின் பிரதான சாலைகளான வடக்குமாதவி சாலை, ரோவர்பள்ளி சாலை, துறைமங்கலம் கே.கே.நகர், கல்யாண் நகர் உள்ளிட்ட பல்வேறு பகுதிகளில் உள்ள சாலைகள் சீரமைக்கவில்லை. இதனால், அடிக்கடி விபத்துகள் ஏற்படுகின்றன.

இதனிடையே, பெரம்பலூர் நகரில் வெள்ளிகிழமை மழை பெய்ததால், குழிகளில் தண்ணீர் தேங்கிக் கிடந்ததால், மக்கள் அச்சத்துடன் வாகனங்களை இயக்க வேண்டிய நிலைக்குத் தள்ளப்பட்டனர். எனவே, சாலைகளை விரைந்து சீரமைக்க வேண்டும் என்று பொதுமக்கள் எதிர்பார்க்கின்றனர்.

பெங்களூர், ஜூன் 11: மாநிலத்தின் அனைத்து மாநகராட்சிகளில் உள்ள சாலைகளை காப்பீட்டு திட்டத்தின் கீழ் கொண்டு வரும் யோசனை அரசிடம் உள்ளது. இது தொடர்பாக அதிகாரிகளுடன் அமைச்சர் எஸ்.சுரேஷ்குமார் ஆலோ சனை நடத்தியுள்ளார்.

ஹூப்ளி மாநகராட்சிக்கு உட்பட்ட வித்யாநகரில் 800 மீட்டர் சாலையை, அப்பகுதியில் வாழும் பொதுமக்கள் ஒன்று சேர்ந்த கடந்த 2007 ஆகஸ்ட் முதல் 2008 ஜூலை வரை ரூ.2 லட்சத்திற்கு காப்பீடு செய்தனர். இதற்கான ஆண்டு பிரீமியம் ரூ.303ஐ அப்பகுதி மக்களே சேகரித்து வங்கியில் செலுத்தினர்.

நாட்டில் இதுவரை எங்கும் இதுபோன்று செயல்படாததால், லிம்கா சாதனை புத்தகத்தில் இது இடம் பெற்றது. தற்போது அப்பகுதி மக்கள் சாலையை ரூ.9 லட்சத்திற்கு காப்பீட்டு செய்துள்ளனர்.

இதற்கான பிரீமியம் தொகை ரூ.910யை செலுத்தி வருகிறார்கள். வித்யாநகர் பகுதி மக்களின் புதுமையான முயற்சி, மாநிலம் முழுவதும் செயல்படுத்தும் உத்வேகத்தை ஏற்படுத்தியுள்ளது. இதை மாநிலம் முழுவதும் உள்ள 7 மாநகராட்சிகளில் செயல்படுத்த அரசு யோசித்து வருகிறது.

மாநகரில் உள்ள சாலைகளை பொதுமக்கள் பராமரித்து கொள் வதுடன், காப்பீட்டு திட்டத்தில் சேர்க்கும் நடவடிக்கை மேற்கொண்டால், ஒப்பந்த காரர்கள் மூலம் மேற் கொள் ளும் பணியில் குளறுபடி நடந் தாலோ அல்லது இயற்கை சீற்றத்தால் நாச மடைந்தாலோ, காப்பீடு பெறும் நிறுவனம், புனரமைப்பு பணியை மேற்கொள்ளும்.

இதன் மூலம் அரசுக்கு நிதி சுமை ஏற்படாது என்பதால், இதை செயல்படுத்த நகர வளர்ச்சிதுறை அமைச்சர் சுரேஷ்குமார் முடிவு செய்துள்ளார்.

இத்திட்டம் அமல்படுத்துவது தொடர்பாக ஏற்கனவே நகர வளர்ச் சிதுறை அமைச்சக அதிகாரிகளுடன் முதல் சுற்று ஆலோசனை முடித்துள்ள அமைச்சர், திட்டம் செயல்படுத்துவது தொடர்பாக சாதக&பாதகம் குறித்து அறிக்கை கொடுக்கும்படி கேட்டுள்ளார்.

இந்த வார இறுதியில் அறிக்கை கிடைத்ததும், நகர வளர்ச்சி சட்டத்தில் சில திருத்தம் செய்து, வரும் மழை கால கூட்டத்தொடரில் பேரவையில் தாக்கல் செய்து, உறுப்பினர்களின் ஒப்புதல் பெற்று செயல் படுத்தும் யோச னையில் அமைச்சர் சுரேஷ்குமார் உள்ளார்.