Urban News

தினமலர் 04.05.2010

நெடுஞ்சாலைத்துறையிடம் ரோட்டினை ஒப்படைக்க போடி கவுன்சிலர்கள் ஒப்புதல்

போடி : போடி மெயின் ரோட்டில் ஆக்கிரமிப்புகளை அகற்றி நெடுஞ்சாலைத்துறையிடம் ஒப்படைக்க கவுன்சில் கூட்டத்தில் முடிவு செய்யப்பட்டது.போடி நகராட்சி கவுன்சில் கூட்டம் தலைவர் தலைவர் ரதியாபானு தலைமையில் நடந்தது. துணைத்தலைவர் சங்கர், கமிஷனர் சரவணக்குமார், பொறியாளர் குருசாமி முன்னிலை வகித்தனர். கூட்டத்தில் நடந்த விவாதம்:

நளினி ஸ்ரீ : எனது வார்டுக்கு எம்.பி., நிதி ஒதுக்கீடு செய்து 4 மாதமாகியும் இன்னும் பணிகள் துவக்கப்படவில்லை.

பொறியாளர்: எம்.பி., நிதி ஒதுக்கீடு செய்யவில்லை. எம்.எல்.ஏ., நிதி மட்டுமே ஒதுக்கீடு செய்யப்பட்டு பணிகள் துவக்கப்பட உள்ளது.

ஈஸ்வரி: மெயின் ரோட்டில் ஆக்கிரமிப்புகள் அகற்றப்பட்டது பெருமைக்குரியது. ஆனால் வார்டுகளில் துப்புரவு பணிகள் நடக்கவில்லை.

தவமணி: மெயின் ரோட்டில் உள்ள ஆக்கிரமிப்புகளை மட்டும் அகற்றினால் போதாது. தெருக்களிலும் உள்ள ஆக்கிரமிப்புகளை அகற்றும் வகையில் நடவடிக்கை இருக்க வேண்டும்.

சந்திரசேகர்: நகராட்சிக்கு சொந்தமான 7 ஏக்கர் நிலத்தை தனி நபர் ஆக்கிரமிப்பு செய்துள்ளனர். இதனை அகற்ற வகை யில் நகராட்சி நிர்வாகம் முன் வர வேண்டும்.

ஜெயராஜ்: மயானத்தில் எரிவாயு தகனமேடை பணிகள் ஆரம்பிக்கப்பட்டு ஓராண்டுக்கு மேலாகியும் பணிகள் முடிவடையவில்லை.

துணைத்தலைவர்: எனது வார்டில் ரோடு பணிக்கு டெண்டர் விடப்பட்டு ஓராண்டுக்கு மேலாகியும் பணிகள் துவங்கப்படாமல் உள்ளது.

முருகன்: பஸ்ஸ்டாண்டில் தனி நபர் ஆக்கிரமித்து கட்டடம் கட்டியுள்ளார். இதனை அகற்ற வேண்டும்.

கமிஷனர்: போடி மெயின் ரோட்டில் போக்குவரத்து நெரிசலை தவிர்க்கும் வகையில் ஆக்கிரமிப்புகளை அகற்றி நெடுஞ்சாலைத்துறையிடம் ஒப்படைக்கலாம்.

கவுன்சிலர்கள் : நெடுஞ்சாலைத்துறையும் மெயின் ரோட்டில் உள்ள ஆக்கிரமிப்புகளையும் பாரபட்சமின்றி அகற்ற முன் வர வேண்டும்.

அரியலூர், ஏப். 29: அபெரம்பலூர்-அரியலூர்- தஞ்சை சாலையை சீரமைக்க ரூ.52 கோடி ஒதுக்கீடு செய்யப்பட்டுள்ளது என்றார் அரியலூர் சட்டப்பேரவை உறுப்பினர் பாளை. து. அமரமூர்த்தி.

அரியலூர் நகராட்சியின் 12 வது வார்டுக்குள்பட்ட பகுதியில் அண்மையில் நடைபெற்ற இலவச கலர் டி.வி.க்கள் வழங்கும் விழாவில் அவர் மேலும் பேசியது:

பெரம்பலூரிலிருந்து அரியலூர் வழியாக தஞ்சை செல்லும் மானாமதுரை சாலை அண்மையில் மத்திய அரசால் தேசிய நெடுஞ்சாலையாக அறிவிக்கப்பட்டதைத் தொடர்ந்து அச்சாலை சீரமைக்கப்படாமல் இருந்து வந்தது.

இது தொடர்பாக மத்திய அமைச்சர் ஜி.கே. வாசனிடம் தெரிவித்ததைத் தொடர்ந்து மத்திய தரைவழி போக்குவரத்துத் துறை, மானாமதுரை சாலையில் தஞ்சையிலிருந்து பெரம்பலூர் வரை சீரமைக்க ரூ. 52 கோடி நிதி ஒதுக்கீடு செய்துள்ளது. இப்பணி இன்னும் ஒரிரு மாதங்களில் தொடங்கும். அரியலூர் தொகுதியைச் சேர்ந்த 90 ஆயிரம் பேருக்கு இதுவரை இலவச கலர் டி.வி. வழங்கப்பட்டுள்ளது. மீதமுள்ள 10 ஆயிரம் பேருக்கும் இன்னும் ஒரு மாதத்தில் இலவச கலர் டிவி வழங்கப்படும் என்றார் அவர்.

விழாவுக்கு நகர்மன்ற உறுப்பினர் தவமணி கோவிந்தன் தலைமை வகித்தார். நகராட்சி துணைத் தலைவர் வி. சுப்பிரமணியன் முன்னிலை வகித்தார்.

விழாவில் நகர பா.ம.க. தலைவர் கோவிந்தன், நகர காங்கிரஸ் தலைவர் எஸ்.ஆர்.ஸ்ரீதர், நகர்மன்ற உறுப்பினர் ஏ.பி.எஸ். பழனிச்சாமி உள்ளிட்டோர் கலந்து கொண்டனர். முன்னதாக கிராம நிர்வாக அலுவலர் கோவிந்தராஜ் வரவேற்றார். வட்டாட்சியர் (பொ) ஆ. முத்துவடிவேலு நன்றி கூறினார்.