தினமலர் 15.05.2010
மாநகராட்சி மாணவர்களுக்கு கேன்வாஸ் ஷூ வழங்க ஒப்புதல்
கோவை மாநகராட்சி பள்ளிகளில் ஒன்று முதல் ஐந்தாம் வகுப்பு வரை படிக்கும் மாணவ, மாணவியருக்கு கேன்வாஸ் ஷூ மற்றும் சாக்ஸ் வழங்க, அரசு அனுமதி அளித்துள்ளது.கோவை மாநகராட்சியில் நடுநிலை மற்றும் ஆரம்ப பள்ளிகளில் ஒன்று முதல் ஐந்தாம் வகுப்பு வரை, 9,628 பேர் படிக்கின்றனர். இவர்களுக்கு ஒரு ஜோடி கேன்வாஸ் ஷூ மற்றும் இரண்டு ஜோடி காலுறைகள் (சாக்ஸ்) வழங்க முடிவு செய்யப்பட்டுள்ளது. இதற்காக, 19 லட்சத்து 25 ஆயிரத்து 608 ரூபாய் செலவாகுமென மதிப்பிடப்பட்டுள்ளது.இந்த தொகையை, கோவை மாநகராட்சியின் பொது நிதியில் இருந்து செலவழித்துக் கொள்ள, மாநகராட்சி ஆணையருக்கு அனுமதி அளித்து, நகராட்சி நிர்வாகத் துறை உத்தரவிட்டுள்ளது.
