தினமணி 26.08.2010
நகராட்சிப் பள்ளிகளில் விழா நடத்த கட்டணம் நிர்ணயம்
தஞ்சாவூர், ஆக. 25: தஞ்சாவூர் நகராட்சிப் பள்ளிகளில் விழா நடத்த புதிய கட்டணம் நிர்ணயிக்கப்பட்டுள்ளது. தஞ்சாவூர் நகராட்சிக்கு சொந்தமான பள்ளிகளில் விடுமுறை நாள்களில் ஆண்டு கூட்டங்கள் மற்றும் பொது நிகழ்ச்சிகள் நடத்த அனுமதி வேண்டுவோரிடமிருந்து நாள் ஒன்றுக்கு வாடகை கட்டணமாக | 750-ம், மின் கட்டணம் பயன்பாட்டிற்கான தொகை | 250-ம் வசூலித்துக் கொண்டு பள்ளிகளை பயன்படுத்திக்கொள்ள அனுமதி வழங்கப்பட உள்ளது.
இதற்கான தீர்மானம் வியாழக்கிழமை நடைபெறும் நகராட்சி கூட்டத்தில் நிறைவேற்றப்படுகிறது. இதன்மூலம் நகராட்சிப் பள்ளிகளில் வருவாயும், அதைக் கொண்டு சிறிய அளவிலான பராமரிப்புப் பணிகளையும் மேற்கொள்ள ஏதுவாக இருக்கும் என்று கருதப்படுகிறது.
