தினமணி 27.03.2010
பள்ளி கட்டடப் பணிகள்: ஜெயதுரை எம்.பி. ஆய்வு
ஸ்ரீவைகுண்டம், மார்ச் 26: தூத்துக்குடி மாவட்டம், பழையகாயலில் உள்ள டி.டி.டி.ஏ. தொடக்கப் பள்ளிக்கு புதிய கட்டடம் கட்ட நாடாளுமன்ற உறுப்பினர் உள்ளூர் வளர்ச்சித் திட்டத்தின் கீழ், ரூ. 6 லட்சம் நிதி ஒதுக்கீடு செய்து அதற்கான பணிகள் நடைபெற்று வருவதை தூத்துக்குடி மக்களவைத் தொகுதி உறுப்பினர் எஸ்.ஆர். ஜெயதுரை பார்வையிட்டார்.
அவருடன் உதவிக் கோட்டப் பொறியாளர் என். செல்வராஜ், உதவிப் பொறியாளர்கள் சோமசுந்தரம், சாமுவேல் மற்றும் திமுக பிரமுகர்கள் மாதவன், மாடசாமி, ஹென்றி, மமூது, ராஜேந்திரன், காளிதாஸ், செந்தில் ஆறுமுகம், மாரமங்கலம் ஊராட்சித் தலைவர் காசி, மாநகராட்சி உறுப்பினர் ரகுநாதன், ஏரல் பேருராட்சி உறுப்பினர் மணிவண்ணன் உள்ளிட்டோர் உடன் சென்றனர்.
