Urban News

மதுரை:மதுரை மாநகராட்சி பள்ளிகளில் காலியாக இருந்த 39 பணியிடங்களில் ஆசிரியர்கள் நியமிக்கப்பட்டுள்ளனர்.கமிஷனர் செபாஸ்டின் கூறுகையில், ""மதுரை மாநகராட்சியில் 12 உயர்நிலை, 12 நடுநிலை, 14 மேல்நிலைப் பள்ளிகள், 29 துவக்கப்பள்ளிகள் உள்ளன. இப்பள்ளிகளில் காலியாக இருந்த ஆசிரியர் பணியிடங்களுக்கு ஆசிரியர் தேர்வு வாரியம் மூலம் தேர்ந்தெடுக்கப்பட்ட 39 பேர் மாநகராட்சிப் பள்ளிகளுக்கு ஒதுக்கீடு செய்யப்பட்டுள்ளனர். அவர்களுக்கு நேற்று சான்றிதழ் சரிபார்க்கப்பட்டு, கலந்தாய்வு மூலம் பணிநியமனம் செய்யப்பட்டுள்ளனர்,'' என்றார். இந்நிகழ்ச்சியில் கல்விக்குழு தலைவர் பொன்னுத்தாய், துணைகமிஷனர் தர்ப்பகராஜ், கல்வி அலுவலர் வைத்தியலிங்கம், மக்கள் தொடர்பு அலுவலர் பாஸ்கரன் கலந்து கொண்டனர்.

மதுரை:ஸ்ரீஹரிகோட்டாவில் உள்ள அணுமின்நிலையத்தின் அறிவியல் நுணுக்கங்களை தெரிந்து கொள்ள, மதுரை மாநகராட்சி பள்ளி மாணவிகள் தேர்வு செய்யப்பட்டுள்ளனர்.இதுகுறித்து கமிஷனர் செபாஸ்டின் கூறுகையில்,"" மாநகராட்சியில் பத்தாம் வகுப்பு பொதுத்தேர்வில் அதிக மதிப்பெண் பெற்ற ஐந்து மாணவிகள் தேர்வு செய்யப்பட்டுள்ளனர். டி.ஜி. வித்யா, ஆர். செல்வலட்சுமி, ஆர். மோனிகா, எச். ஹீமாயா, டி. லட்சுமிப்ரியா ஆகியோர் ஸ்ரீஹரிகோட்டாவில் உள்ள அணுமின்நிலையத்திற்கு செல்கின்றனர்,'' என்றார்.