தினகரன் 30.06.2010
பொதுமக்கள் சேவைக்காக நெல்லை மாநகராட்சியில் இணையதள வசதி அறிமுகம்
நெல்லை, ஜூன் 30: நெல்லை மாநகராட்சியில் பொதுமக்கள் சேவைகளைப் பெறும் வகையில் இணையதளம் நேற்று அறிமுகம் செய்யப்பட்டது.
மாநகராட்சியின் இணையதள முகவரி லீttஜீ://tவீக்ஷீuஸீமீறீஸ்மீறீவீநீஷீக்ஷீஜீ.tஸீ.ரீஷீஸ்.வீஸீ
என்பதாகும். இதில் மாநகராட்சி பற்றிய விவரங்களும், அதன் செயல்பாடுகள் உள்ளிட்ட பல்வேறு அம்சங்களும் இடம் பெற்றுள்ளன. பொதுமக்கள் இந்த இணையதளம் மூலம் மாநகராட்சியின் சேவைகள் மற்றும் விண்ணப்பங்கள் ஆகியவற்றை இலவசமாக பதிவிறக்கம் செய்து கொள்ளலாம்.
மாநகராட்சியால் செயல்படுத்தப்படும் பல்வேறு பணிகள், திட்டங்கள் குறித்த விவரங்களையும் உடனுக்குடன் இந்த இணையதளம் மூலம் தெரிந்து கொள்ளலாம். பொதுமக்கள் தங்கள் ஆலோசனைகள் மற்றும் புகார்களையும் தெரிவிக்கலாம். இணையதளத்தில் கவுன்சிலர்கள், அதிகாரிகள் முகவரி மற்றும் தொடர்பு எண்கள், தெருவிளக்கு புகார் எண்கள், பிறப்பு, இறப்பு சான்றிதழ்கள் பெற யாரை தொடர்பு கொள்வது உள்ளிட்ட விபரங்களும் இடம் பெற்றுள்ளன.
மாநகராட்சி இணையதளத்தை மேயர் சுப்பிரமணியன் நேற்று துவக்கி வைத்தார். கமிஷனர் சுப்பையன் முன்னிலை வகித்தார். நிகழ்ச்சியில் கவுன்சிலர்கள் அப்துல்வகாப், கோபி, பேபிகோபால், துரை, உதவி ஆணையர்கள் சுல்தானா, சாந்தி, சாமுவேல் செல்வராஜ், செயற்பொறியாளர் நாராயணன் நாயர் உள்ளிட்ட பலர் கலந்து கொண்டனர்.
