Urban News

திருநெல்வேலி, ஜூன் 29: திருநெல்வேலி மாநகராட்சியின் புதிய இணையதளத்தை மேயர் அ.லெ. சுப்பிரமணியன் செவ்வாய்க்கிழமை தொடக்கிவைத்தார். இந்த இணையதளத்தில் மாநகராட்சி பற்றிய விவரங்களும், அதன் செயல்பாடுகள் குறித்த பல்வேறு அம்சங்களும் இடம்பெற்றுள்ளன.

மேலும், பொதுமக்கள் இந்த இணையதளத்தின் மூலம் மாநகராட்சியின் சேவைகளைப் பெறுவதற்கான வழிமுறைகள் மற்றும் அதற்குரிய விண்ணப்பங்கள் இடம்பெற்றுள்ளன. பொதுமக்கள் விண்ணப்பங்களை இலவசமாக பதிவிறக்கம் செய்து கொள்ளலாம். இவை தவிர, மாநகராட்சியில் செயல்படுத்தப்படும் பல்வேறு பணிகள் மற்றும் திட்டங்கள் குறித்த விவரங்களையும் இந்த இணையதளம் மூலம் தெரிந்து கொள்ளலாம். பொதுமக்கள் தங்கள் ஆலோசனைகளையும், புகார்களையும் இதில் தெரிவிக்கலாம்.

இணையதள தொடக்க விழாவில், ஆணையர் டாக்டர் சுப்பையன், மாமன்ற உறுப்பினர்கள் ஆ.துரை, பேபி கோபால், அப்துல் வகாப் உள்ளிட்டோர் கலந்துகொண்டனர்.

முன்னதாக, இம் மாநகராட்சியில் செயல்படுத்தப்பட்டு வரும் ஒருங்கிணைந்த குடியிருப்பு மற்றும் குடிசைப் பகுதி மேம்பாட்டுத் திட்டத்தின் கீழ் 179 பேருக்கு மானியத் தொகையாக ரூ.33.81 லட்சத்திற்கான காசோலைகளை மேயர் வழங்கினார்.

மும்பை, ஜூன் 28: பிறப்பு சான்றிதழ், நில ஆவணங் கள் மற்றும் பிற முக்கிய சான்றிதழ்களைப் பெற இனி மகாராஷ்டிரா மாநில மக்கள் நீண்ட வரிசையில் காத்துக் கிடக்க வேண்டிய தில்லை. இந்த ஆவணங் களை இனி இன்டர்நெட் வழியாக ஆன்லைனிலேயே வழங்க மாநில அரசு திட்ட மிட்டுள்ளது.

தகவல் தொழில்நுட்பம் வேகமாக வளர்ச்சி யடைந்து வரும் நிலையில் அனைத்து சேவை களையும் ஆன்லைனில் வழங்குவதற் காக புதிய சட்டம் ஒன்றை கொண்டு வர மாநில தகவல் தொழில்நுட்ப இலாகா முடிவு செய்துள் ளது. இப்படி ஒரு சட்டம் கொண்டு வரப்படுவது நாட்டிலேயே இதுதான் முதல் முறையாகும். இது குறித்து மாநில தகவல் தொழில் நுட்பத்துறை முதன்மை செயலாளர் அஜய் பூஷன் பாண்டே கூறிய தாவது:

பொது சேவைகளை மின்னணு பட்டுவாடா மூலம் வழங்குவதற்கான புதிய சட்டம் ஒன்றை கொண்டு வரவிருக்கிறோம். இந்த சட்டம் இயற்றப்பட்ட தும் பிறப்பு சான்றிதழ் வழங்குவது உள்ளிட்ட அனைத்து சேவைகளும் ஆன்லைனி¢ல் வழங்கப் படும்.

ஆன்லைன் சேவையு டன், கையினால் எழுதிக் கொடுக்கும் பழைய முறையும் தொடர்ந்து நீடிக்கும். இவ்வாறு அவர் கூறினார்.