தினமலர் 28.04.2010
இ.டோக்கன் பயிற்சி முகாம்:கான்ட்ராக்டர்கள் புறக்கணிப்பு
புதுக்கோட்டை;புதுக்கோட்டை யில் கான்ட்ராக்டர்கள் கோரிக்கைகளை வலியுறுத்தி நகராட்சி சார்பில் நடை பெற விருந்த இ டோக்கன் பயிற்சி முகாமை புறக்கணித்தனர்.புதுக்கோட்டை நகராட்சியில் கான்ட்ராக்டர்களுக்கும் நகராட்சி நிர்வாகம் உட்பட பலருக்கும் பல்வேறு பிரச்னைகள் நீர் பூத்த நெருப்பாக இருந்து வருகிறது. பல மாதங்களாக பணிகள் முடிவடைந்த பின்னரும் பில்கள் எழுதுவதில் பல்வேறு காரணங்களால் இழுபறி நிலை நீடித்து வருகிறது. இந்நிலையில் கான்ட்ராக்டர்களுக்கு டெண்டர் உட்பட அதன் தொடர்பான பணிகளை கம்ப்யூட்டர் மூலம் பெறுவதற்காக நகராட்சி நிர்வாகத்தின் சார்பில் நேற்று பயிற்சி அளிக்கப்பட இருந்தது. கான்ட்ராக்டர்களோ த ங்களுக்கு வர வேண்டிய தொகையினை தங்களுக்கு வழங்கிய பின்னர் பயிற்சி முகாமில் கலந்து கொள்வதாகவும் தெரிவித்துள்ளனர். இது தொடர்பான கோரிக்கை விபரங்களை நகராட்சி ஆணையர் பாலகிருஷ்ணணிடம் கான்ட்ராக்டர்கள் நேரில் வழங்கினர்.
