Urban News

திருக்காட்டுப்பள்ளி பேரூராட்சிக் குழுக் கூட்டம் தலைவர் கோகிலா சிங்காரவேலு தலைமையில் நடைபெற்றது. கூட்டத்துக்கு செயல் அலுவலர் கலைச்செல்வன், தலைமைக் கணக்கர் த. குணசேகரன் ஆகியோர் முன்னிலை வகித்தனர்.

திருக்காட்டுப்பள்ளி பேருந்து நிலையத்தைச் சீரமைக்க ரூ. 15 லட்சத்தை திருவையாறு சட்டப்பேரவை உறுப்பினர் துரை. சந்திரசேகரன், தொகுதி மேம்பாட்டு நிதியின் மூலமாக வழங்கியுள்ளார். அவருக்கு நன்றி தெரிவிக்கும் தீர்மானம் நிறைவேற்றப்படும். மேலும் திருக்காட்டுப்பள்ளி தேரோடும் வீதி, வடக்குவீதி, கீழவீதி ஆகியவற்றைச் சீரமைக்க ரூ. 10 லட்சம் ஒதுக்கப்பட்டுள்ளது என்றார் அவர்.

ரதி (மார்க்சிஸ்ட் கம்யூ.): எனது பகுதியில் கொசுத் தொல்லை அதிகளவில் உள்ளது. ஆகவே கொசு மருந்து அடிக்க வேண்டும்.

கதிரேசன் (திமுக) : அய்யனார் கோயில் வளாகத்தைச் சீரமைக்க வேண்டும். பலமுறை கூறியும் நடவடிக்கை இல்லை. கோகிலா சிங்காரவேலு : கோயில் வளாகம் சீரமைக்கப்படும்.

இதையடுத்து கூட்டம் முடிந்ததும் ஒன்பத்துவேலியில் உள்ள 2 கழிவறைகளை பேரூராட்சி செயல் அலுவலர், தலைவர் உள்ளிட்டோர் சென்று ஆய்வு செய்தபோது, கழிவறையில் தண்ணீர் வசதி இருந்தது. ஆனால் சுகாதாரம் இல்லை. "கழிவறையைப் பயன்படுத்துவோர் ஒத்துழைப்பு கொடுத்தால் மட்டுமே சுகாதாரம் இருக்கும்' என்றார் தலைவர்.