தினமணி 18.08.2010
சாக்கடை வசதி: பூமி பூஜை
காரைக்கால், ஆக. 17 : கோட்டுச்சேரி சட்டப்பேரவைத் தொகுதிக்குள்பட்ட கோயில்பத்து, வேட்டைக்காரன் தெருவில் சாக்கடை வசதி ஏற்படுத்துவதற்கான பூமி பூஜை திங்கள்கிழமை நடைபெற்றது.
சட்டப்பேரவை தொகுதி மேம்பாட்டு நிதியிலிருந்து கோயில்பத்து, வேட்டைக்காரன் தெருவில் புதிதாக சாக்கடை வசதி ஏற்படுத்துவதற்கு ரூ. 7.12 லட்சம் மதிப்பீடு தயார் செய்து காரைக்கால் நகராட்சி சார்பில் பணிகள் திங்கள்கிழமை தொடங்கப்பட்டன.
இதற்கான பூமி பூஜையில் சட்டப்பேரவை உறுப்பினர் எம்.வி. ஓமலிங்கம் கலந்துகொண்டார். நிகழ்ச்சியில் நகராட்சி உதவிப் பொறியாளர் ரவி, இளநிலைப் பொறியாளர் அருள்மொழி உள்ளிட்ட பலர் கலந்துகொண்டனர். திட்டப் பணியை குறித்த காலத்துக்குள் முடித்துவிடுமாறு அதிகாரிகளை பேரவை உறுப்பினர் கேட்டுக்கொண்டார்.