தினமணி 26.08.2010
நகர நல மையத்துக்கு இடம் தேர்வு
திண்டிவனம்,ஆக. 25: திண்டிவனம் நகர மக்களுக்கு நல மையம் அமைப்பதற்கான இடமாக நகராட்சியின் சமுதாயக் கூடத்தை நகர்மன்றத் தலைவர் தலைமையில் அதிகாரிகள் புதன்கிழமை தேர்வு செய்தனர்
.÷நகரில் ஏற்கெனவே இரண்டு இடங்களில் நல மையம் அமைக்கப்பட்டுள்ளது. கிடங்கல் 2 மற்றும் அவரப்பாக்கம் ஆகிய இடங்களில் பல ஆண்டுகளுக்கு முன்பு அமைக்கப்பட்ட இந்த நல மையம் பல்வேறு காரணங்களால் செயல்படாமல் போனது.
÷இந்நிலையில் நகராட்சியின்கீழ் இயங்கி வரும் சமுதாயக் கூடம் அமைந்துள்ள இடத்தை தாற்காலிக நல மையம் அமைப்பதற்காக நகர்மன்றத் தலைவர் பூபாலன் தலைமையில் ஆணையர் முருகேசன் மற்றும் நகராட்சி அதிகாரிகள் பார்வையிட்டு இந்த இடத்தை தேர்வு செய்தனர்.
÷இங்கு அமையவுள்ள நல மையத்தில் ஒரு மருத்துவ அதிகாரி, இரண்டு மகப்பேறு உதவியாளர், மகப்பேறு உதவியாளர் என மொத்தம் 7 இடங்களுக்கு பணியாளர் நியமிக்கப்பட்டு நகர நல மையம் செயல்பட உள்ளதாக ஆணையர் முருகேசன் கூறினார்.
