தினமலர் 19.10.2010
ரூ.18 லட்சத்தில் நவீன நகராட்சி கூடம்
அனகாபுத்தூர் : அனகாபுத்தூர் நகராட்சியில், மாதாந்திர கூட்டம் நடக்கும் கூட்ட அரங்கம், 18 லட்ச ரூபாய் செலவில், "ஏசி' வசதியுடன் ஜொலிக்கிறது.அனகாபுத்தூர் நகராட்சிக்கு, 50 லட்ச ரூபாய் செலவில் புதிய நகராட்சி அலுவலக கட்டடம் சமீபத்தில் கட்டப்பட்டது. இதன் முதல் தளத்தில் மாதாந்திர நகராட்சி கூட்டம் நடக்கும் கூட்ட அரங்கம், குளுகுளு வசதியுடன், ஸ்டார் ஓட்டலில் இருக்கும் கூட்ட அரங்கத்தை போல, 18 லட்ச ரூபாய் செலவில் பிரமாண்டமாக அமைக்கப்பட்டுள்ளது.வண்ண விளக்குகள், அழகிய பால்சீலிங் வேலைகள், சுவர்களில் ஓவியங்கள், வட்டவடிவிலான டீக் உட் மேஜைகள், ஜன்னல் களுக்கு அலங்கார திரைகள் என, பல்வேறு அம்சங்களும் இந்த அரங்கத்தில் பொருத்தப்பட்டுள்ளன.இந்த நகராட்சி கூடத்தை, மாதாந்திர கூட்டத்திற்கு மட்டுமல்லாமல், நகராட்சிகளுக்கான கலந்தாய்வு கூட்டம், அதிகாரிகளின் ஆலோசனை கூட்டங்களுக்கும் பயன்படுத்த திட்டமிட்டுள்ளதாக நகராட்சி நிர்வாக அதிகாரிகள் தெரிவித்தனர்.
