தினமணி 03.09.2012
துப்புரவுப் பணி வாகனம் வழங்கும் விழா
பண்ருட்டி, செப். 2: பண்ருட்டி நகராட்சியின் பொது சுகாதாரப் பணிக்குத் துப்புரவு வாகனங்கள் வழங்கும் விழா நகராட்சி வளாகத்தில் ஞாயிற்றுக்கிழமை நடந்தது.
÷நகர்புற வளர்ச்சித் திட்டத்தின் கீழ் ரூ.50 லட்சம் மதிப்பில் பண்ருட்டி நகராட்சிக்கு டம்பர் பிளேசர்-1, டிப்பர் லாரி-1, டிப்பர் ஆட்டோக்கள்-3, மூன்று சக்கர குப்பை அள்ளும் சைக்கிள்-15 மற்றும் குப்பை பெட்டிகள்-10 பெறப்பட்டுள்ளது.
÷பொது சுகாதாரப் பணிக்கு இவற்றை வழங்கும் விழாவுக்கு நகர் மன்றத் தலைவர் பி.பன்னீர்செல்வம் தலைமை வகித்தார். ஊரகத் தொழில் துறை அமைச்சர் எம்.சி.சம்பத், புதிய வாகனங்களின் சாவிகளை ஊழியர்களிடம் வழங்கி தொடங்கி வைத்தார்.
÷ஆணையர் க.உமாமகேஷ்வரி முன்னிலை வகித்தார். துப்புரவு அலுவலர் பி.குமார் வரவேற்றார். துணைத் தலைவர் மல்லிகா உள்ளிட்டோர் கலந்து கொண்டனர். நகராட்சி பொறியாளர் ஆர்.ராதா நன்றி கூறினார்.
