தினமணி 23.04.2013
போடி நகராட்சியில் ரூ.9 லட்சத்தில் புதிய குப்பை அகற்றும் வண்டிகள்
போடி நகராட்சியில் ரூ.9 லட்சம் மதிப்பில் புதிதாக குப்பை அகற்றும் வாகனங்கள் வழங்கப்பட்டன.
போடி நகராட்சியில் ஒருங்கிணைந்த நகர்புற மேம்பாட்டுத் திட்டத்தின் கீழ் ரூ.1 கோடி மதிப்பில் குப்பைகளை அகற்றுதல், அவற்றை பிளாஸ்டிக் குப்பை, பிளாஸ்டிக் அல்லாத குப்பை என தரம் பிரித்தல், பிளாஸ்டிக் அல்லாத குப்பைகளை உரமாக்குதல், குப்பைக் கிடங்கை மேம்படுத்துதல், உள்ளிட்ட சுகாதாரப் பணிகள் மேற்கொள்ளப்பட்டு வருகின்றன.
இதன் ஒரு பகுதியாக நகராட்சி பகுதியில் வீடு வீடாக சென்று மக்கும் குப்பை மற்றும் மக்காத குப்பைகளை சேகரிப்பதற்காக பிளாஸ்டிக் தொட்டிகளுடன் கூடிய புதிய வாகனங்கள் வாங்க நடவடிக்கை எடுக்கப்பட்டது. அதன்படி முதல் கட்டமாக ரூ.9 லட்சம் மதிப்பில் 50 வாகனங்கள் வாங்கப்பட்டுள்ளன.
இவற்றில் மக்கும் குப்பைகளை பெற நான்கு பச்சை நிற பிளாஸ்டிக் தொட்டிகளும், மக்காத குப்பைகளை பெற இரண்டு சிவப்பு நிற தொட்டிகளும் அமைக்கப்பட்டுள்ளன.
இந்த வாகனங்களை துப்புரவு பணியாளர்களிடம் வழங்கும் நிகழ்ச்சி நகராட்சி ஆணையர் எஸ்.சசிகலா தலைமையில் நடைபெற்றது. நகர்மன்ற தலைவர் வி.ஆர்.பழனிராஜ் வாகனங்களை வழங்கினார். நிகழ்ச்சியில் பொறியாளர் ஆர்.திருமலைவாசன், உதவி பொறியாளர் குணசேகரன்,சுகாதார ஆய்வாளர்கள், மேற்பார்வையாளர்கள், நகர்மன்ற உறுப்பினர்கள் உள்ளிட்டோர் பங்கேற்றனர்.
போடி நகராட்சியில் ரூ.9 லட்சத்தில் புதிய குப்பை அகற்றும் வண்டிகள்
போடி நகராட்சியில் ரூ.9 லட்சம் மதிப்பில் புதிதாக குப்பை அகற்றும் வாகனங்கள் வழங்கப்பட்டன.
போடி நகராட்சியில் ஒருங்கிணைந்த நகர்புற மேம்பாட்டுத் திட்டத்தின் கீழ் ரூ.1 கோடி மதிப்பில் குப்பைகளை அகற்றுதல், அவற்றை பிளாஸ்டிக் குப்பை, பிளாஸ்டிக் அல்லாத குப்பை என தரம் பிரித்தல், பிளாஸ்டிக் அல்லாத குப்பைகளை உரமாக்குதல், குப்பைக் கிடங்கை மேம்படுத்துதல், உள்ளிட்ட சுகாதாரப் பணிகள் மேற்கொள்ளப்பட்டு வருகின்றன.
இதன் ஒரு பகுதியாக நகராட்சி பகுதியில் வீடு வீடாக சென்று மக்கும் குப்பை மற்றும் மக்காத குப்பைகளை சேகரிப்பதற்காக பிளாஸ்டிக் தொட்டிகளுடன் கூடிய புதிய வாகனங்கள் வாங்க நடவடிக்கை எடுக்கப்பட்டது. அதன்படி முதல் கட்டமாக ரூ.9 லட்சம் மதிப்பில் 50 வாகனங்கள் வாங்கப்பட்டுள்ளன.
இவற்றில் மக்கும் குப்பைகளை பெற நான்கு பச்சை நிற பிளாஸ்டிக் தொட்டிகளும், மக்காத குப்பைகளை பெற இரண்டு சிவப்பு நிற தொட்டிகளும் அமைக்கப்பட்டுள்ளன.
இந்த வாகனங்களை துப்புரவு பணியாளர்களிடம் வழங்கும் நிகழ்ச்சி நகராட்சி ஆணையர் எஸ்.சசிகலா தலைமையில் நடைபெற்றது. நகர்மன்ற தலைவர் வி.ஆர்.பழனிராஜ் வாகனங்களை வழங்கினார். நிகழ்ச்சியில் பொறியாளர் ஆர்.திருமலைவாசன், உதவி பொறியாளர் குணசேகரன்,சுகாதார ஆய்வாளர்கள், மேற்பார்வையாளர்கள், நகர்மன்ற உறுப்பினர்கள் உள்ளிட்டோர் பங்கேற்றனர்.
