தினமணி 13.01.2010
வணிகவரித் துறை அலுவலர்களுக்கு புதிய வாகனங்கள்
சென்னை, ஜன.12: வணிகவரித் துறை அலுவலர்களின் பயன்பாட்டுக்கான 15 புதிய வாகனங்களை, துணை முதல்வர் மு.க.ஸ்டாலின் செவ்வாய்க்கிழமை வழங்கினார்.
மதுரை, திருநெல்வேலி, சென்னை ஆகிய கோட்டங்களில் வணிகவரி அலுவலர்களுக்கு ரூ.64 லட்சம் மதிப்பில், இந்த வாகனங்கள் வழங்கப்பட்டன. வரிவசூல் நடவடிக்கையினை துரிதப்படுத்தவும், மதிப்பு கூட்டு வரி ஏய்ப்பு நடவடிக்கை செயலாக்கப் பிரிவை கண்காணிக்கவும் இந்த வாகனங்கள் அளிக்கப்பட்டுள்ளதாக தமிழக அரசு தெரிவித்துள்ளது. வணிகவரித் துறை அமைச்சர் உபயதுல்லா, ஆதிதிராவிடர் நலத்துறை அமைச்சர் தமிழரசி, வணிகவரி மற்றும் பதிவுத்துறைச் செயலாளர் ஜேக்கப், ஆணையர் வி.கே.ஜெயக்கொடி உள்ளிட்டோர் பங்கேற்றனர்
