Urban News

தினமணி              11.08.2012

கோழிக் கழிவுகளை அகற்ற நவீன உபகரணங்கள்

கீழக்கரை, ஆக. 10: கீழக்கரையில் கோழிக் கழிவுகளை அகற்ற நவீன உபகரணங்கள் வழங்கும் விழா வெள்ளிக்கிழமை நகர்மன்ற அலுவலக வளாகத்தில் நடைபெற்றது.கீழக்கரையில் கோழிக் கழிவுகளை அகற்ற கீழக்கரை நகராட்சி நிர்வாகத்தின் சார்பில் ரூ. 1 லட்சத்து 56 ஆயிரம் மதிப்பிலான தள்ளு வண்டிகள், கையுறைக் கழிவுகள், சேகரிக்கும் தொட்டிகள் முதலியன வழங்கப்பட்டன. 

நவீன    உபகரணங்களை நகர்மன்றத்  தலைவர்  ராவியத்துல்  கதரியா வழங்கினார்.நிகழ்ச்சியில் துணைத் தலைவர் ஹாஜா முகைதீன், நகராட்சி ஆணையாளர் முஜிபுர்ரஹ்மான், எக்ஸ்னோரா அமைப்பின் தொழில்நுட்ப ஆலோசகர் தணிகாசலம், வெல்ஃபேர் அசோசியேசன் நிர்வாகி அஜிஸ் மற்றும் கவுன்சிலர்கள் உள்பட ஏராளமானோர் கலந்து கொண்டனர்.

தினகரன்   08.08.2012

ரூ.55 லட்சம் கட்டட பணிகள் மேயர் திறந்துவைத்தார்

கோவை, : கோவையில் ரூ.55 லட்சம் மதிப்புள்ள புதிய கட்டட பணிகளை மேயர் செ.ம.வேலுசாமி திறந்துவைத்தார். கோவை மாநகராட்சி 25வது வார்டு தேவாங்கபேட்டை வீதியில் மாநகராட்சிக்கு சொந்தமான இடத்தில் ரூ.20 லட்சத்தில் 6 கடைகள் கட்டப்பட்டுள்ளன. இதே வார்டில் புரூக்பாண்ட் ரோடு சீதாலட்சுமி மகப்பேறு மருத்துவமனை வளாகத்தில் சுகாதார ஊழியர்களுக்கு ரூ.20 லட்சத்தில் 3 வீடுகள் கட்டப்பட்டுள்ளன. 80வது வார்டு ராஜவீதியில் ரூ.15 லட்சத்தில் மாநகராட்சி மகப்பேறு மருத்துவமனைக்கு புதிய கட்டடம் கட்டப்பட்டுள்ளது. இவை, கோவை வடக்கு சட்டமன்ற தொகுதி மேம்பாட்டு நிதி மற்றும் மாநகராட்சி நிதியில் இருந்து கட்டப்பட்டுள்ளது.

இதன் திறப்பு விழா நேற்று நடந்தது. வடக்கு சட்டமன்ற தொகுதி எம்எல்ஏ மலரவன் தலைமை தாங்கினார். கமிஷனர் பொன்னுசாமி முன்னிலை வகித்தார். மேயர் செ.ம.வேலுசாமி புதிய கட்டடங்களை திறந்துவைத்தார்.

விழாவில், துணை கமிகஷனர் சிவராசு, மத்திய மண்டல தலைவர் ஆதிநாராயணன், பணிக்குழு தலைவர் அம்மன் அர்ஜூனன், 25வது வார்டு கவுன்சிலர் ஜெயபால் உள்பட பலர் பங்கேற்றனர்.