தினகரன் 04.09.2010
மேயர் தகவல் மாநகராட்சி மருத்துவமனைகளில் புறநோயாளிகளுக்காக கலர் டிவி
வேளச்சேரி
, செப். 4: மாநகராட்சி மருத்துவமனை மற்றும் ஆரம்ப சுகாதார நிலைய புறநோயாளிகள் பிரிவில் கலர் டி.வி.வைக்கப்படும் என்று மேயர் சுப்பிரமணியன் தெரிவித்துள்ளார்.சென்னை மாநகராட்சிக்கு உட்பட்ட தரமணியில்
12,468 பேருக்கு இலவச கலர் டி.வி. வழங்கும் விழா நேற்று நடந்தது. மாநகராட்சி துணை ஆணையர் (கல்வி) பாலாஜி தலைமை வகித்தார். உதவி ஆணையர் கிருஷ்ணமூர்த்தி வரவேற்றார்.இலவச கலர் டி
.வி.க்களை வழங்கி மேயர் மா.சுப்பிரமணியன் பேசியதாவது: அரசு சார்பில் இதுவரை 1 கோடியே 30 லட்சத்து 24 ஆயிரம் கலர் டிவிக்கள் வழங்கப்பட்டுள்ளது. விடுபட்டவர்கள் அனைவருக்கும் கண்டிப்பாக டிவி வழங்கப்படும். குடிசை பகுதிகள் மேம்பாட்டு திட்டத்தின் கீழ், தரமணி பகுதியில் பெரும்பாலான தெருக்களில் சிமென்ட் சாலை போடப்பட்டுள்ளது. சொந்தமாக பட்டா நிலம், அரசு ஒதுக்கீடு பெற்ற வீட்டு மனைகளுக்கு மத்திய, மாநில அரசு நிதியுடன் வீடு கட்டுவதற்கு மாநகராட்சி ரூ1 லட்சத்து 17 ஆயிரம் வழங்குகிறது. முதலில் நீங்கள் ரூ13ஆயிரம் செலவழித்து அஸ்திவாரம் போட வேண்டும். இந்த திட்டத்தில் இந்த பகுதியை சேர்ந்த 26 பேர் பயன் அடைந்துள்ளனர்.154
வது வார்டுக்கு உட்பட்டவர்கள், இங்குள்ள வார்டு அலுவலகத்திலேயே சொத்துவரி செலுத்த நடவடிக்கை எடுக்கப்பட்டுள்ளது. ரூ2.5 கோடி செலவில் அடையாறு கஸ்தூரிபாய் நகரில் அரசு மருத்துவமனை கட்டப்பட்டு வருகிறது. இதுவரை தமிழில் பெயர் வைத்த 3 ஆயிரத்து 500 குழந்தைகளுக்கு தங்க மோதிரம் வழங்கப்பட்டுள்ளது.தனியார் மருத்துவமனைகளுக்கு இணையாக அரசு மருத்துவமனைகளில் அனைத்து வசதிகளும் உள்ளது
. நடப்பு ஆண்டில் 17 ஆயிரம் முதல் 18 ஆயிரம் குழந்தைகள் வரை பிறந்துள்ளது. 93 ஆரம்ப சுகாதார நிலையங்களில் இசிஜி, சர்க்கரை நோய் பரிசோதனை செய்யப்படுகிறது. சென்னை மாநகராட்சி சார்பில் 167 மருத்துவமனை மற்றும் ஆரம்ப சுகாதார நிலையங்கள் இயங்கி வருகின்றன. இங்குள்ள புறநோயாளிகள் பிரிவில் கலர் டிவி வைக்கப்படும். அதில் காமெடி நிகழ்ச்சிகள் மட்டுமே ஒளிபரப்பப்படும். டாக்டரை பார்ப்பதற்கு முன்பு வரை நோயாளிகள் இதை கண்டுகளிக்கலாம்.இவ்வாறு மேயர் பேசினார்
.விழாவில்
, துணை மேயர் சத்தியபாமா, எதிர்க்கட்சி தலைவர் சைதை ரவி, மண்டல குழு தலைவர் ஜெயராமன், வார்டு உறுப்பினர் மீனாட்சி வெங்கட்ராமன், வேளச்சேரி பகுதி திமுக செயலாளர் மு.ரவி உள்பட பலர் கலந்து கொண்டனர். செயற்பொறியாளர் அன்பழகன் நன்றி கூறினார்.
