Urban News

பண்ருட்டி, ஜூன் 10: பண் ருட்டி அருகே தொரப்பாடி பேரூராட்சி அலுவலக கட்டிடம் மிக சிறியதாக உள்ளது. இதன் காரணமாக அலுவலக பணிகள், மன்ற கூட்டம் நடத்த முடியவில்லை.

இதன் தொடர்ச்சியாக பேரூராட்சி மன்ற செயல் பாடுகளை அதிக அளவில் செயல்படுத்தப்பட முடியவில்லை. அரசுக்கு புதிய கட் டிடம் கட்ட பேரூராட்சி மன்றம் கோரிக்கை வைத் தது. இதன் பேரில் அரசு அடிப்படை கட்டமைப்பு பற்றாக்குறை ஈடு செய்யும் மானிய நிதியில் இருந்து ரூ.20 லட்சம் நிதி ஒதுக்கீடு செய்யப்பட்டு மாவட்ட ஆட்சியர் சீத்தாராமன் ஆலோசனைப்படி செயல் அலுவலர் ராம்குமார் மேற்பார்வையில் கட்டிடம் கட்டும் பணி தற்போது நடந்து வருகிறது.

கட்டுமான பணிகளை பேரூராட்சி மன்ற தலைவர் ஜெயலட்சுமி துரைராஜ், துணைத்தலைவர் அருணாசலம் மற்றும் வார்டு உறுப்பினர்கள் பார்வையிட்டனர்.

கோவை, ஜூன் 9: கோவை மாநகராட்சி சார்பில் வாங்கப்பட்டுள்ள சாலைகளைச் சுத்தம் செய்யும் நவீன துப்புரவு வாகனத்தின் இயக்கத்தை, துணை முதல்வர் மு.க.ஸ்டாலின் புதன்கிழமை துவக்கி வைத்தார்.

÷கோவை நகரின் பிரதான சாலைகளான அவிநாசி சாலை, திருச்சி சாலை, சத்தி சாலை ஆகியவற்றில் சாலையோரம் மற்றும் தடுப்புகளின் ஓரங்களில் சேரக்கூடிய மண், தூசு துகள்களைச் சுத்தப்படுத்த இந்த வாகனம் பயன்படுத்தப்படும்.

÷திடக்கழிவு மேலாண்மைத் திட்டத்தின் ஒரு பகுதியாக ரூ. 1.30 லட்சத்தில் 3 துப்புரவு வாகனங்கள் வாங்கப்பட உள்ளன. இவற்றில் இரண்டு, தலா 6.5 டன் கொள்ளளவு உடையவை. மற்றொன்று 5 டன் கொள்ளளவு கொண்டது.

இந்த துப்புரவு வாகனத்தில் நாளொன்றுக்கு 40 கி.மீ. தூரம் சுத்தப்படுத்த முடியும்.

÷முதல்கட்டமாக ஒரு துப்புரவு வாகனம் வந்துள்ளது. இதை துணை முதல்வர் ஸ்டாலின் புதன்கிழமை பார்வையிட்டு துவக்கி வைத்தார். மற்ற இரு வாகனங்கள், செம்மொழி மாநாட்டுக்குள் வரவழைக்கப்படும் என்று மாநகராட்சி அதிகாரிகள் தெரிவித்தனர்.

÷தலா 8 மணி நேர அளவில் இரண்டு ஷிப்டுகளாக இந்த வாகனத்தை பயன்படுத்த திட்டமிடப்பட்டுள்ளது.

இங்கிலாந்தில் தயாரிக்கப்பட்ட இந்த இயந்திரம், புனேவைச் சேர்ந்த டீலரிடம் இருந்து வாங்கப்பட்டுள்ளது.

÷உள்நாட்டு தயாரிப்பான லாரி சேஸில் இந்த இயந்திரம் பொருத்தப்பட்டுள்ளது.

இந்த இயந்திரத்தை விற்பனை செய்த நிறுவனத்தினரே வாகனத்தை இயக்கும் பணியை, மூன்று மாதங்களுக்கு மேற்கொள்வர். அதன் பிறகு இப்பணியை டெண்டர் மூலம் தனியாரிடம் ஒப்படைக்க மாநகராட்சி திட்டமிட்டுள்ளது.