தினமலர் 27.07.2010
மீனாட்சி கோயில் சுற்றுப்புறம் சீரமைப்புக்கு ரூ.12 கோடி ஒதுக்கீடு
மதுரை: ""மதுரை மீனாட்சி அம்மன் கோயிலை சுற்றியுள்ள பகுதிகளை அழகுபடுத்துவதற்கு சுற்றுலாத்துறை ரூ.12 கோடி ரூபாய் ஒதுக்கீடு செய்துள்ளது,'' என, மாநகராட்சி கமிஷனர் செபாஸ்டின் தெரிவித்தார்.அவர் கூறியதாவது: மீனாட்சி அம்மன் கோயில் அருகில் உள்ள சென்ட்ரல் மார்க்கெட் மாற்றம் செய்யப்பட்ட இடத்தில், புதிய வாகன நிறுத்துமிடம், வரவேற்பு மையம், பொருட்கள் வைப்பறை 5.62 கோடி ரூபாயில் அமைக்கப்படுகிறது. புதுமண்டபத்திலுள்ள வியாபாரிகளுக்காக புது குன்னத்தூர் சத்திரம் 2.32 கோடி ரூபாய் மதிப்பீட்டிலும், மீனாட்சி அம்மன் கோயிலை சுற்றி வண்ண விளக்குகள்,பூங்கா, விளக்குத்தூண், தெப்பக்குளத்தில் நீர் நிரப்புதல், புல்வெளி அமைத்தல் போன்ற பணிகள் நடைபெற உள்ளன. இதற்காக சுற்றுலாத்துறை 12.55 கோடி ரூபாய் ஒதுக்கீடு செய்துள்ளது. இப்பணிகளை விரைவில் மத்திய அமைச்சர் மு.க.அழகிரி துவக்கி வைப்பார் என்றார்.
