தினமணி 02.11.2010
கண் சிகிச்சை முகாம்
மதுரை, நவ.1: மதுரை மாநகராட்சி பணியாளர்கள் மற்றும் அலுவலர்களுக்கு வாசன் கண் மருத்துவமனையின் சார்பில் இலவச கண் சிகிச்சை முகாம் நடைபெற்றது.
மாநகராட்சி கல்தூண் மண்டபத்தில் நடைபெற்ற இம்முகாமை ஆணையர் எஸ்.செபாஸ்டின் தொடங்கிவைத்தார். முகாமில் 200-க்கும் மேற்பட்ட பணியாளர்கள் தங்களது கண்களை பரிசோதனை செய்துகொண்டனர்.
இந்நிகழ்ச்சியில் வாசன் கண் மருத்துவமனை சார்பில் 5 மருத்துவர்கள் 10-க்கும் மேற்பட்ட செவிலியர்கள் கலந்துகொண்டனர். வாசன் கண் மருத்துவமனை மக்கள் தொடர்பு அலுவலர் வி.பிச்சைக்கனி இதற்கான ஏற்பாடுகளைச் செய்திருந்தார்.
