தினகரன் 20.11.2013
தொண்டாமுத்தூரில் தீவிர டெங்கு காய்ச்சல் தடுப்பு வாகன பிரசாரம்
தொண்டாமுத்தூர், : கோவை அருகே தொண்டாமுத்தூர் பேரூராட்சி சார்பில் தீவிர டெங்கு காய்ச்சல் மற்றும் கோமாரி நோய் தடுப்பு வாகன பிரசாரம் துவங்கியது. பிரசாரத்தை பேரூராட்சி தலைவர் ரவி துவக்கி வைத்தார்.
பிரசார வாகனம் கெம்பனூர், குப்பேபாளையம், வண்டிகாரனூர், வலையபாளையம், காளியண்ணன்புதூர், முத்திபாளையம், மல்லிகை நகர், தொண்டாமுத்தூர் உட்பட 15 வார்டுகளில் வீதி, வீதியாக சென்று டெங்கு காய்ச்சல் மற்றும் கோமாரி நோய் தடுப்பு குறித்து பொதுமக்களிடம் விரிவாக விளக்கி பேசினர்.
பிரசாரத்தில் பேரூராட்சி செயல் அலுவலர் அசோக்குமார், துணைத்தலைவர் சேகர், கவுன்சிலர்கள், பொதுமக்கள் உட்பட பலர் கலந்து கொண்டனர்.
