தினமலர் 18.02.2010
வடவள்ளியில் ரூ.7 லட்சத்தில் பொதுக்கழிப்பிடம்
பேரூர் : வடவள்ளியில் ஏழு லட்சம் ரூபாய் மதிப்பீட்டில் பொதுக்கழிப்பிடம் கட்டப்படுகிறது.
வடவள்ளி பேரூராட்சி, ஆறாவது வார்டில் உள்ள வி.என்.ஆர்., நகர், 13வது வார்டிலுள்ள ஆதிதிராவிடர் காலனியில் பொதுக்கழிப்பிடம் இல்லை. இதனால், கழிப்பிடம் கட்டக்கோரி, தொண்டாமுத்தூர் எம்.எல்.ஏ., கந்தசாமியிடம், பேரூராட்சி தலைவர் அமிர்தவல்லி கோரிக்கை விடுத்தார்.
தொகுதி மேம்பாட்டு நிதியின் கீழ் இரண்டு வார்டுகளிலும் தலா 3.5 லட்சம் ரூபாய் மதிப்பீட்டில் பொதுக்கழிப்பிடம் கட்ட நிதி ஒதுக்கீடு செய்யப்பட்டது. இதையடுத்து, 13வது வார்டிலுள்ள ஆதிதிராவிடர் காலனி பகுதியில் கழிப்பிடம் கட்டுவதற்கான பூமி பூஜை நடந்தது. எம். எல்.ஏ., கந்தசாமி, பேரூராட்சி தலைவர் அமிர்தவல்லி, செயல் அலுவலர் சந்திரன், முன்னாள் பேரூராட்சி தலைவர் சண்முகசுந்தரம், ஒன்றிய செயலாளர் துரைசாமி, வார்டு கவுன்சிலர்கள் ராயப்பன், குமுதம், சின்னதங்கம் உள்பட பலர் பங்கேற்றனர்.