தினமணி 04.05.2010
48,000 மினரல் வாட்டர் நிறுவனத்தி பாக்கெட்கள் பறிமுதல்
கோவை, மே 3: மினரல் வாட்டர் நிறுவனத்தில் விதிகளுக்கு மாறாக தயாரிக்கப்பட்ட 48 ஆயிரம் தண்ணீர் பாக்கெட்களை கோவை மாநகராட்சி அதிகாரிகள் திங்கள்கிழமை பறிமுதல் செய்தனர்.
÷ராமநாதபுரம், நஞ்சுண்டாபுரம் சாலையில் உள்ள நேதாஜி நகரில் இயங்கும் மினரல் வாட்டர் நிறுவனத்தில் மாநகராட்சி அதிகாரிகள் திங்கள்கிழமை மாலை திடீர் சோதனையில் ஈடுபட்டனர்.
÷ஐ.எஸ்.ஐ. விதிகளுக்கு மாறாக தயாரிக்கப்பட்டிருந்த 48 ஆயிரம் வாட்டர் பாக்கெட்களை அதிகாரிகள் அங்கு பறிமுதல் செய்தனர். அவற்றின் மாதிரிகள் ஆய்வுக்கூட பரிசோதனைக்காக சென்னைக்கு அனுப்பிவைக்கப்பட்டுள்ளதாகவும், ஆய்வறிக்கை கிடைத்ததும் உரிய நடவடிக்கை எடுக்கப்படும் என்றும், நகர்நல உதவி அலுவலர் அருணா தெரிவித்தார்.
÷அதேபோல பல்வேறு கடைகளில் ஆய்வு செய்தபோது அங்கு வைக்கப்பட்டிருந்த காலாவதியான சிப்ஸ், காரக்கடலை, பச்சை பட்டாணி, முறுக்கு உள்ளிட்ட பொருட்களும் பறிமுதல் செய்யப்பட்டன.
