Urban News

தினமணி 19.02.2010

திருநெல்வேலி,பிப்.18: திருநெல்வேலி,புதிய பஸ் நிலையத்தில் சுகாதார சீர்கேட்டுடன் செயல்பட்ட ஹோட்டலை மாநகராட்சி அதிகாரிகள் வியாழக்கிழமை மூடினர்.

வேய்ந்தான்குளத்தில் உள்ள புதிய பஸ் நிலையத்தில் செயல்படும் ஹோட்டல்கள்,டீ கடைகள் சுகாதார சீர்கேட்டுடன் செயல்படுவதாக பொதுமக்கள் புகார் தெரிவித்து வருகின்றனர்.

இந் நிலையில் நாகர்கோவில் பஸ்கள் நிற்கும் பகுதி அருகே கழிப்பறை அருகே உள்ள ஒரு ஹோட்டல்,பெரும் சுகாதார சீர்கேட்டுடன் செயல்படுவதாக மாநகராட்சி ஆணையர் கா.பாஸ்கரனுக்கு புகார் சென்றுள்ளது.

அவரது உத்தரவின்பேரில்,மாநகராட்சி உதவி ஆணையர் எல்.கே.பாஸ்கர்,உணவு ஆய்வாளர் அ.ரா.சங்கரலிங்கம், சுகாதார ஆய்வாளர் முருகேசன் ஆகியோர் அந்த ஹோட்டலை வியாழக்கிழமை ஆய்வு செய்தனர்.

அப்போது அந்த ஹோட்டலில் மிகவும் சுகாதார சீர்கேட்டுடன் உணவு தயாரிக்கப்படுவது கண்டறியப்பட்டது. உடனே அந்த ஹோட்டலின் உரிமையாளர் பாளையங்கோட்டையைச் சேர்ந்த தங்கமுத்துக்குமாரை,அவர்கள் எச்சரித்தனர்.பின்னர்,அந்த ஹோட்டலை மூட அவர்கள் உத்தரவிட்டனர்.இதையடுத்து அந்த ஹோட்டல் மூடப்பட்டது.

இச் சம்பவத்தால் அங்கு சிறிது நேரம் பரபரப்பு ஏற்பட்டது.

திருப்பூர், பிப்.18: பொது சுகாதார விதிகளைக் கடைபிடிக்காத 15 ஹோட்டல்களுக்கு திருப்பூர் மாநகராட்சி சுகாதாரக் பிரிவு சார்பில் நோட்டீஸ் அளிக்கப்பட்டது.

20க்கு மேற்பட்ட ஹோட்டல்களில் நடத்தப்பட்ட இந்த திடீர் சோதனையில் சமை யலறை, சமையலுக்கு பயன்படுத்தும் பொருட்கள், கழிப்பிடம், பணியாளர்களின் உடல் உள்ளிட்டவை குறித்து ஆய்வு செய்யப்பட்டது. இதில், 15 ஹோட்டல்கள் பொது சுகாதார விதிகளுக்கு புறம்பாக சுகாதாரமற்ற முறையில் இயங்கி வந்தது கண்டுபிடிக்கப்பட்டது.

அந்த ஹோட்டல் நிர்வாகத்தினருக்கு பொது சுகாதார விதிகள் குறித்து தெளிவுபடுத்திம அதிகாரிகள், 7 தினங்களுக்குள் சுகாதார நடவடிக்கைகள் மேற்கொள்ள தோட்டீஸ் அளித்து உத்தரவிட்டனர். தவிர, அந்த ஹோட்டல் பணியாளர்களுக்கு, வயிற்றுப் புழுக்களை அழிக்கக்கூடிய மாத்திரைகளும் விநியோகிக்கப்பட்டன.

இதுகுறித்து மாநகர் நல அதிகாரி ஜவஹர்லால் கூறுகையில், திருப்பூர் மாநகராட்சி பகுதி களில் உள்ள அனைத்து ஹோட்டல்களிலும் இனி ஆய்வுப் பதிவேடு வைக்க உத்தரவிடப்பட்டுள்ளது. மாதம் இருமுறை சுகாதார ஆய்வாளர்கள் ஹோட்டல்களில் திடீர் சோதனையிட்டு குறைகள் குறித்த இந்த பதிவேட்டில் குறிப்பிடுவர். சுகாதார நடவடிக்கைகளை மேற்கொள்ளாத ஹோட்டல்கள் மீது உரிய நடவடிக்கை மேற்கொள்ளப்படும், என்றார்.