Urban News

பக்கிள் ஓடை சீரமைப்பு பணிகள் மாவட்ட ஆட்சியர் நேரில் ஆய்வு

தூத்துக்குடி, நவ. 13: தூத்துக்குடியில் பக்கிள் ஓடை சீரமைப்பு பணிகளை மாவட்ட ஆட்சியர் கோ. பிரகாஷ் வெள்ளிக்கிழமை நேரில் பார்வையிட்டு ஆய்வு செய்தார்.

• தூத்துக்குடி நகரின் மையப்பகுதியில் செல்லும் கழிவுநீர் கால்வாயான பக்கிள் ஓடையை சீரமைக்கும் பணி வேகமாக நடைபெற்று வருகிறது. முதல் கட்டமாக அழகேசபுரம் முதல் திரேஸ்புரம் கடற்கரை வரை தூர்வாரப்பட்டு, அடியில் சிமெண்ட் தளம் மற்றும் இருபுறமும் சுவர் கட்டப்பட்டுள்ளது.
• பக்கிள் ஓடையில் சீரமைக்கப்பட்ட பகுதிகளை வரும் 19-ம் தேதி தமிழக துணை முதல்வர் மு.க. ஸ்டாலின் திறந்து வைக்கிறார். இதையடுத்து அந்த பணிகளை மாவட்ட ஆட்சியர் கோ. பிரகாஷ் வெள்ளிக்கிழமை நேரில் பார்வையிட்டு ஆய்வு செய்தார்.
• நிகழ்ச்சியில் மாநகராட்சி ஆணையர் பெ. குபேந்திரன், பொறியாளர் எஸ். ராஜகோபால், நகர்நல அலுவலர் எம். ராக்கப்பன், உதவி பொறியாளர்கள் எம். சரவணன், கே. மணிகண்டன் ஆகியோர் கலந்து கொண்டனர்.