Urban News

 

பொள்ளாச்சி நேரு கல்யாண மண்டப வீதியில் கழிவு நீர் தேங்கிய சாக்கடையில் மோட்டார் பொருத்திய வாகனம் மூலம் கழிவு நீர் வெளியிற்றப்பட்டது.

 

பொள்ளாச்சி, ஜன 13:

பொள் ளாச்சி நேரு திருமண மண்டப வீதியில் அரச மரத்தின் வேர் பரவியதால் சாக்கடையில் கழிவு நீர் தேங்கி சுகாதாரக் கேடு ஏற்பட்டது. நகராட்சி நிர்வாகம் மின் மோட்டார் பொருத்திய லாரி மூலம் கழிவு நீரை அப்புறப்படுத்தியது.

பொள்ளாச்சி நகராட்சியின் 4வது வார்டுக்குட்பட்ட பகுதி வெங்கடேசா காலனி. இங்குள்ள நேரு திருமண மண்டப வீதியின் ஒரு புற சாக்கடையில் கடந்த சில வாரங்களாக கழிவு நீர் சீராக வெளியேறாமல் அப்படியே தேங்கத் துவங்கியது. இதுகுறித்து பொதுமக்களும், அப்பகுதி வார்டு கவுன்சிலரான முரளி (ம.தி.மு.க.) உள்ளிட்டோர் நகராட்சி நிர்வாகத்திடம் தொடர்ந்து புகார் செய்தனர். இதனையடுத்து மின் மோட்டார் பொருத்திய லாரி மூலம் மேற்படி பகுதி யில் சாக்கடையில் தேங்கி நின்ற கழிவு நீரை நகராட்சி ஊழியர்கள் அப்புறப்படுத்தினர்.

இதுகுறித்து சுகாதாரத் துறை அதிகாரிகள் கூறியதா வது, நேரு திருமண மண்ட பவ வீதியின் ஒரு பகுதியில் சாக்கடையை ஒட்டி மிகப்பெரிய அரச மரம் ஒன்று உள்ளது. இந்த மரத்தின் வேர்கள் அதிகமாக சாக்கடைக்குள் பரவியுள்ளதால் கழிவு நீர் சீராக வெளியேறாமல் தடைபடுகிறது. கழிவு நீர் அய்யப்பன் கோயில் ரோடு வழியாக வெளியேறும் விதத்தில் அமைக்கப்பட்ட இந்த சாக்கடையில் ஒரு புறம் மேடாக அமைந்துள் ளது. இக்காரணங்களால் கழிவு நீர் சரிவர வெளியேறாமங் அங்கேயே தேங் கியது.தகவல் அறிந்ததும் உடனடியாக மின் மோட்டார் பொறுத்திய லாரி மூலம் தேங்கிய கழிவு நீர் வெளியேற்றப்பட்டது. அரச மரத்தின் ஒரு பகுதி வேர்களை மட்டும் அப்புறப்படுத்த வேண்டும் அல்லது சாக்கடையில் கழிவு நீர் செல்ல ஏதுவாக சீரமைக்க வேண்டும். சாக்கடை கழிவு நீர் அங்கு தேங்காதவாறு விரைவில் இதற்கான மாற்று நடவடிக்கை எடுக்கப்படும். இவ்வாறு தெரிவித்தனர்.

பொள் ளாச்சி நகரில் சைக்கிள், மொபட் ஆகிய வாகனங்களில் உரிமம் பெறாமல் பால் வியாபாரம் செய்பவர்களுக்கு நகராட்சி அதிகாரிகள் இறுதி எச்சரிக்கை விடுத்துள்ளனர்.

பொள்ளாச்சி நகராட்சி ஆணையாளர் பூங்கொடி அருமைக்கண் உத்தரவின் பேரில் நகர்நல அலுவலர் குணசேகரன், சுகாதார ஆய்வாளர் கோவிந்தராஜ் மற்றும் அலுவலர்கள் நேற்று வெங்கட்ரமணன் ரோடு, மார்க்கெட் ரோடு சந்திப்பு பகுதியில் அதிரடி வாகன சோதனையில் ஈடுபட்டனர். இதில் அவ்வழியாக சைக்கிள் மற்றும் மொபட்களில் வந்த பால் வியாபாரிகளை தடுத்து நிறுத்தி அதிகாரிகள் விசாரணை நடத்தினர். பிடிபட்டவர்களில் எவரும் பால் விற்பனைக்கான உரிமம் பெற வில்லை என்பது தெரியவந்தது. அடுத்த மாத இறுதிக்குள் பால் வியாபாரிகள் நகராட்சியில் கட்டணத்தை செலுத்தி உரிமம் பெற வேண்டும் என்று அதிகாரி கள் எச்சரிக்கை செய்தனர்.

இதுகுறித்து நகர்நல அலுவலர் குணசேகரன் கூறியதாவது, நகராட்சி எல்லைக்குள் சுமார் 250க்கும் மேற்பட்டோர் சைக்கிள் மற் றும் மொபட்களில் கேன் களை கட்டி பால் விற்பனை செய்து வருகின்றனர். எந்த உணவு பொருளை விற்பனை செய்வதாக இருந்தாலும் நகராட்சியில் அதற்கான கட்டணத்தை செலுத்தி உரிமம் பெற வேண்டும். அவ்வாறு உரிமம் பெற விண்ணப்பிக்கும்போது வியாபாரி எந்த முகவரியில் வசிக்கிறார்?. அவர் விற்கும் பொருள் எங்கு, எவரிடம் வாங்கப்படுகிறது என்ற அனைத்து தகவல்களும் பதிவு செய்யப்படும்.

இவ்வாறு உரிமம் பெறுவதன் மூலம் உணவு பொருளில் எதாவது கலப்படம் அல்லது தீங்கு ஏற்படும்போது சம்பந்தப்பட்ட வியாபாரியின் மீது உரிய நடவடிக்கை எடுக்க முடியும். இதுபோன்ற உரிமங்களை ஆண்டுதோறும் கட்டணம் செலுத்தி புதுப்பிக்க வேண்டும். ஆனால் நகரில் கடந்த பல ஆண்டுகளாக எந்த ஒரு பால்வியாபாரியும் உரிமம் பெறவில்லை. இதனால் நகராட்சிக்கு வரு வாய் இழப்பும் ஏற்படுகிறது. சைக்கிள் மற்றும் மொபட்களில் பால் வியாபாரம் செய்பவர்களுக்கு ஆண்டு உரிமக் கட்டணமாக ரூ. 125 மட்டுமே வசூலிக்கப்படுகிறது. ஆண்டுதோறும் பிப்ரவரி மாதத்திற்குள் இந்த உரிமத்தை பெற வேண்டும். தாமதமானால் அதற்கு மிகக் குறைந்தபட்ச தொகை அபராதமாக விதிக்கப்படும்.
தற்போது நகரில் ஆங் காங்கு வாகன சோதனை நடத்தி பால்வியாபாரிகளுக்கு எச்சரிக்கை விடுக்கப்பட்டு வருகிறது. அதன்பிறகும் உரிமம் பெறாமல் பால் வியாபாரம் செய்தால் சட்டப்படியான நடவடிக்கைகள் எடுக்கப்படும். இவ்வாறு அவர் தெரிவித்தார்.