Urban News

மும்பை, செப். 2: ரூ.1.5 கோடி செலவில் மும்பை கடலோரத்தை சுத்தப்படுத்த மாநகராட்சி முடிவு செய்துள்ளது. மகாலட்சுமி கோயில் அருகே உள்ள குலிஸ்தான் ஹவுசிங் சொசைட்டியை சேர்ந்தவர்கள் மும்பை உயர் நீதிமன்றத்தில் பொதுநல வழக்கு ஒன்று தொடர்ந்தனர். அதில் மும்பை கடலோரங்கள் அசுத்தமாக இருப்பதாகவும் சுத்தப்படுத்த மாநகராட்சி நடவடிக்கை எதுவும் எடுக்க வில்லை என்று தெரிவிக்கப்பட்டிருந்தது. இந்த வழக்கை விசாரித்த உயர் நீதிமன்றம், கடலோரத்தை சுத்தப்படுத்த நடவடிக்கை எடுக்கும்படி மாநகராட்சிக்கு உத்தரவிட்டது.

இதையடுத்து ரூ.1.5 கோடி செலவில் மும்பை கடலோரத்தை சுத்தப்படுத்த மாநகராட்சி முடிவு செய்துள்ளது. ஹாஜி அலி முதல் ஒர்லி கிராம் வரை 18 பகுதிகள் கண்டறியப்பட்டுள்ளன. இதைபோல கொலாபா முதல் தார்டுதேவ் வரை 14 பகுதிகள் தெரிவு செய்யப்பட்டுள்ளன. இந்த பகுதிகளில் தினமும், அலையின் வேகம் குறைவாக இருக்கும் அதிகாலை வேளையில் சுத்தம் செய்யும் பணி நடைபெற இருக்கிறது. 3 லாரிகள் மற்றும் ஊழியர்கள் சுத்தம் செய்யும் பணியில் ஈடுபடுவார்கள்.

தினமும் 8 மெட்ரிக் டன் கழிவுகள் இப்பகுதிகளில் இருந்து கிடைக்க கூடும் என மாநகராட்சி திடக்கழிவு நிர்வாக தலைமை பொறியாளர் பி.பி. பாட்டீல் கூறினார்.

சென்னை, செப்.2: நுங்கம்பாக்கம் கால்வாய், மாம்பலம் மற்றும் நந்தனம் கால்வாய் கொடுங்கையூர் கால்வாய் சீரமைக்கும் பணிகள் ரூ68 கோடியில் நடக்கிறது. இந்த பணி 2 ஆண்டுகளில் முடிக்கப்படும் என்று மேயர் மா.சுப்பிரமணியன் தெரிவித்தார்.

மாநகராட்சி சார்பில், நுங்கம்பாக்கம் கால்வாய் 900 மீட்டர் நீளத்திற்கும், 9 மீட்டர் அகலத்திற்கும் தூர்வாரி சீரமைக்கும் பணி ரூ4.6 கோடியில் நடக்கிறது. இதை மேயர் மா.சுப்பிரமணியன் நேற்று ஆய்வு செய்தார்.

பின்னர் மேயர் கூறியதாவது:

2 ஆண்டில் பணி முடியும் 326 கி.மீ நீளத்திற்கு மழைநீர் கால்வாய் "புதிய மழைநீர் வடிகால்வாய் கட்டுமான பணிகள் வேளச்சேரி நீர்பிடிப்பு பகுதி, கொளத்தூர் நீர்ப்பிடிப்பு பகுதி, வடக்கு பக்கிங்காம் கால்வாய் நீர்ப்பிடிப்பு பகுதி, மத்திய பக்கிங்காம் கால்வாய் நீர்ப்பிடிப்பு பகுதி, மாம்பலம் மற்றும் நந்தனம் கால்வாய்நீர்ப்பிடிப்பு பகுதி, தெற்கு பக்கிங்காம் கால்வாய் நீர்ப்பிடிப்பு பகுதி, ராயபுரம் நீர்ப்பிடிப்பு பகுதி, கூவம் நீர்ப்பிடிப்பு பகுதி, கேப்டன் காட்டன் கால்வாய் நீர்ப்பிடிப்பு பகுதி ஆகிய 9 பகுதிகளில் 326.36 கி.மீ. நீளத்திற்கு ரூ527.91 கோடி செலவில் மழைநீர் வடிகால்வாய் அமைக்கும் பணிகள் தொடங்கப்பட்டுள்ளன. இந்த பணிகளும் படிப்படியாக 2 ஆண்டிற்குள் முடிக்கப்படும்" என்றார் மேயர்.

புதுடெல்லி,ஆக.31: டெங்கு காய்ச்சல் பாதிப்பு நாளுக்கு நாள் அதிகரித்து வரும் நிலையில் மாநகராட்சியில் பணிபுரியும் கொசு உற்பத்தி தடுப்பு ஊழியர்கள் பணி நிரந்தரம் கோரி 6ம் தேதி முதல் காலவரையற்ற வேலை நிறுத்தம் செய்யப்போவதாக அறிவித்துள்ளனர்.

டெங்கு காய்ச்சலால் நகரமே கடும் பாதிப்புக்கு உள்ளாகி உள்ளது. நாளுக்கு நாள் காய்ச்சலால் பாதிக்கப்பட்டவர்கள் எண்ணிக்கை உயர்கிறது. காய்ச்சலால் பாதிக்கப்பட்டவர்களின் எண்ணிக்கை 800ஐ தாண்டி விட்டதாக மாநகராட்சி அதிகாரி ஒருவர் தெரிவித்தார். டெங்கு காய்ச்சல் பரவாமல் தடுக்க வீட்டுக்கு வீடு சென்று கொசு ஒழிப்பு மருந்து தெளிக்கும் பணியை மாநகராட்சியின் 3,200 தற்காலிக ஊழியர்கள் செய்து வருகின்றனர்.

இவர்கள் தங்கள் பணியை நிரந்தரம் செய்யக்கோரி செப்டம்பர் 6ம் தேதி முதல் காலவரையற்ற வேலை நிறுத்தப் போராட்டத்தில் ஈடுபடப் போவதாக அறிவித்துள்ளனர்.டெல்லியில் டெங்கு காய்ச்சல் நாளுக்கு நாள் அதிகரித்து வருவதுடன் காமன்வெல்த் விளையாட்டு போட் டிகளும் தொடங்க இருக்கின்றன. இந்த சமயத்தில் கொசு உற்பத்தி தடுப்பு ஊழியர்கள் வேலை நிறுத்தம் செய்யப்போவதாக அறிவித்துள்ளது, மாநகராட்சி அதிகாரிகள் மத்தியில் கலக்கத்தை ஏற்படுத்தியுள்ளது.

இதுபற்றி மாநகராட்சி அதிகாரி ஒருவரிடம் கேட்டதற்கு, "மாநகராட்சியில் இப்போதுள்ள நிதி நெருக்கடியில் 3,200 கொசு தடுப்பு ஊழியர்களின் பணியை நிரந்தரம் செய்ய இயலாது. ஏற்கனவே மாநகராட்சியில் பணியாற்றிவரும் சுமார் 7,000 துப்புரவு தொழிலாளர்கள் சமீபத்தில்தான் பணி நிரந்தரம் செய்யப்பட்டனர்" என்றார்.

மேயர் எச்சரிக்கை மாநகராட்சி மேயர் சகானி கூறியதாவது:

டெங்கு காய்ச்சலால் டெல்லியே பரிதவித்து வரும் போது, கொசு மருந்து தெளிப்பு ஊழியர்கள் வேலை நிறுத்தத்தில் ஈடுபடுவது நல்லதல்ல. காமன்வெல்த் போட்டிக்கு இன்னும் ஒரு மாதமே உள்ளது. இப்போது வேலை நிறுத்தம் செய்வது நாட்டுக்கு இழைக்கும் துரோகம். அதனால், வேலை நிறுத்த அறிவிப்பை கொசு மருந்து தெளிப்பு ஊழியர்கள் கைவிட வேண்டும். இதை ஏற்காமல் வேலை நிறுத்தத்தில் அவர்கள் ஈடுபட்டால் அவர்கள் மீது கடும் நடவடிக்கை எடுக்கப்படும். வேலையிலிருந்து நீக்கப்படுவார்கள். கொசு மருந்து தெளிப்பு பணியில் சேர தினமும் பலரிடமிருந்து விண்ணப்பங்கள் வருகிறது. அதனால், புதியவர்களை நியமனம் செய்வது ஒரு பிரச்னையாக இருக்காது. காமன்வெல்த் போட்டி முடிந்த பின், கொசு மருந்து தெளிப்பு ஊழியர்களின் கோரிக்கைகள் நிறைவேற்றப்படும். இவ்வாறு சகானி கூறினார்.

டெங்குவுக்கு சிறுவன் பலி

டெங்கு காய்ச்சலுக்கு 11 வயது சிறுவன் நேற்று பலியானான். இதையடுத்து, டெங்குவுக்கு இறந்தவர்கள் எண்ணிக்கை 3ஆக உயர்ந்துள்ளது. டெல்லியில் டெங்கு காய்ச்சல் தீவிரமாக பரவி வருகிறது. நேற்று மட்டும் 63 பேர் டெங்கு காய்ச்சலால் பாதிக்கப்பட்டு பல்வேறு மருத்துவமனைகளில் சேர்க்கப்பட்டுள்ளனர். இவர்களையும் டெங்குவால் பாதிக்கப்பட்டவர்களின் எண்ணிக்கை 863 ஆக உயர்ந்தது. இதற்கிடையில், டெங்கு காய்ச்சலால் பாதிக்கப்பட்டு மருத்துவமனையில் சேர்க்கப்பட்டிருந்த அனிகேஷ் என்ற 11 வயது சிறுவன் நேற்று இறந்தான். இவனையும் சேர்த்து டெங்குவுக்கு பலியானவர்கள் எண்ணிக்கை 3 ஆக உயர்ந்துள்ளது.

இதுபற்றி மாநகராட்சி அதிகாரி ஒருவரிடம் கேட்டதற்கு, "மாநகராட்சியில் இப்போதுள்ள நிதி நெருக்கடியில் 3,200 கொசு தடுப்பு ஊழியர்களின் பணியை நிரந்தரம் செய்ய இயலாது. ஏற்கனவே மாநகராட்சியில் பணியாற்றிவரும் சுமார் 7,000 துப்புரவு தொழிலாளர்கள் சமீபத்தில்தான் பணி நிரந்தரம் செய்யப்பட்டனர்" என்றார்.