Urban News

விழுப்புரம் : தமிழகத்தில் விற்பனையாகும் பாக்கெட் குடிநீரின் தரத்தினை சுகாதாரத் துறையினர் திடீர் ஆய்வு மேற் கொண்டுள்ளனர்.

தமிழகத்தில் உணவுப் பொருட்களில் கலப்படம், சுகாதார சீர்கேடு குறித்து ஆய்வு செய்ய சென்னையில் சுகாதாரத் துறை அமைச்சர் பன்னீர் செல்வம் தலைமையில் கலந்தாய்வுக் கூட்டம் நடந்தது.இக் கூட்டத்தில் உணவுப் பொருட்கள் கலப்படத்தை தடுத்தல், பாக் கெட் குடிநீர் விற்பனையை ஆய்வு செய்தல் குறித்து ஆலோசிக்கப்பட் டுள்ளது.

இதனைத் தொடர்ந்து தமிழகம் முழுவதும் பாக் கெட் குடிநீர் தயாரிப்பு நிறுவனங்களில் திடீர் ஆய்வு மேற் கொண்டு, குடிநீரின் தரம் குறித்து அறிக்கை அனுப்ப வேண்டும் என அமைச்சர் உத்தரவிட்டிருந் தார்.சுகாதாரத் துறையினர், மாநகராட்சி, நகராட்சி சுகாதார ஆய்வாளர்கள் திடீர் ஆய்வினை மேற் கொண்டுள்ளனர். விழுப்புரம் நகராட்சியில் சுகாதார ஆய்வாளர் கள் முருகேசன், செபஸ் டின் ஆகியோர் நேற்று அதிரடியாக ஆய்வு மேற்கொண்டனர்.

விழுப்புரத்தில் பாக் கெட் குடிநீர் தயாரித்து விற்பனை செய்யும் வைகை ஏஜன்சிஸ் (விகேர்), பாலாஜி ஏஜன்சிஸ் (ஜலதரா), விக்னேஷ் ஏஜன்சீஸ் (ட்ரு) விற்பனையகங்களில் ஆய்வு செய்து குடிநீர் மாதிரிகளை சேகரித்தனர்.ஒவ்வொரு நிறுவனத் தின் குடிநீர் மாதிரிகளை (தலா 4 லிட்டர்) எடுத்து அதனை ஆய்வுக்காக சென்னை கிண்டியில் உள்ள உணவு பகுப்பாய்வு (கிங் இன்ஸ்டிடியூட்) மையத்திற்கு சீல் வைத்து அனுப்பி வைத்துள்ளனர். அங்கு குடிநீர் மாதிரிகள் ஆய்வு செய்யப்பட்டு அதன் தரம் குறித்து ஆய்வு அறிக்கை அளிக்கப்பட உள்ளது.

ராசிபுரம்: அரசு ஆரம்ப சுகாதார நிலைய வட்டார சுகாதார மேற்பார்வையாளர் மகுடீஸ்வரன் தலைமையில், சுகாதார ஆய்வாளர்கள் ராஜேந்திரன், வெங்காடஜலம், பாபு மற்றும் சுகாதார துறையினர், ராசிபுரம் அடுத்த பிள்ளாநல்லூர் மற்றும் குருசாமிபாளையம் ஆகிய பகுதிகளில் உள்ள டீ கடை, பேக்கரி, குளிர்பான கடைகளில் திடீர் ஆய்வு மேற்கொண்டனர்.குடிநீர் பாக்கெட், பாட்டில்களில் தயாரிப்பு தேதி மற்றும் காலாவதி தேதி குறிப்பிடப்பட்டுள்ளதா என ஆய்வு செய்தனர். அவை குறிப்பிடப்படாத குடிநீர் பாக்கெட், பாட்டில்களை பறிமுதல் செய்து அழித்தனர். மேலும், பொது இடத்தில் புகைபிடித்தவர்களுக்கும், பீடி, சிகரெட் விற்கும் கடைகளில் எச்சரிக்கை பலகை வைக்காதவர்களுக்கும் அபாராதம் விதித்து, 800 ரூபாய் வசூல் செய்யப்பட்டது. நாமகிரிப்பேட்டை வட்டார மருத்துவ அலுவலர் சத்தியலட்சுமி, டவுன் பஞ்சாயத்து செயல் அலுவலர் ஞானசுந்தரம் ஆகியோர் தலைமையில், வட்டார சுகாதார மேற்பார்வையாளர் ஹரிஹரசுப்ரமணி, சுதாதார ஆய்வாளர்கள், உணவு ஆய்வாளர் உள்ளிட்ட குழுவினர் 30க்கும் மேற்பட்ட கடைகளில் ஆய்வு செய்தனர். கடைகளில் காலாவதி மற்றும் தயாரிப்பு தேதி குறிப்பிடாத உணவு பாக்கெட்டுகள், தண்ணீர் பாக்கெட், பாட்டில்களை பறிமுதல் செய்து அளித்தனர். பொது இடங்களில் புகை பிடித்தவர்களுக்கு அபாரதம் விதிக்கப்பட்டது.