தினகரன் 25.08.2010
நெல்லை மாவட்டத்தில் காலாவதியான 20 ஆயிரம் தண்ணீர் பாக்கெட் பறிமுதல்
நெல்லை, ஆக. 25: நெல்லை மாவட்டம் முழுவதும் சுகாதாரத்துறை சார்பில் ஐஎஸ்ஐ முத்திரை இல்லாத ரூ.50 ஆயிரம் மதிப்புள்ள 20 ஆயி ரம் தண்ணீர் பாக்கெட்டு கள் நேற்று பறிமுதல் செய்து அழிக்கப்பட்டன.
மாநில பொது சுகாதாரத்துறை இயக்குனர் பொற் கை பாண்டியன், உணவு கலப்பட தடைசட்ட இணை இயக்குனர் சதா சிவம் ஆகி யோர் தமிழகம் முழுவதும் காலாவதியான தண்ணீர் பாக்கெட்டுகளை பறிமுதல் செய்ய உத்தரவிட்டனர். அதனடிப்படையில் நெல் லை மாவட்ட சுகாதாரத் துறை இயக்குனர் மீரான் மைதீன் தலைமையில் 10 குழுக்கள் கடைகளில் சோத னை நடத்த அமைக்கப்பட்டன.
துணை இயக்குனரின் நேர்முக உதவியாளர் அருணாசலம், வட்டார மருத் துவ அதிகாரிகள் அகமது, பிரவீன், பாலச்சந்தர், உணவு ஆய்வாளர்கள் மாரியப்பன், கணேசன், சங்கரன், சுகாதார ஆய்வாளர் பிரைட்டன், சுகாதார மேற்பார்வையாளர்கள் ஜின்னா, அக்பர் அலி, ஜான் ஆகி யோர் அடங்கிய குழுக்கள் நெல்லை மாவட்டம் முழு வதும் நேற்று காலை முதலே அதிரடி ஆய்வு மேற்கொண் டது.
தாழையூத்து, சங்கர்நகர், பணகுடி, மானூர், முக் கூடல், கடையம், அம்பை, கல்லிடைக்குறிச்சி, சேரன்மகாதேவி, களக்காடு, ஏர் வாடி, வள்ளியூர் உள் ளிட்ட பகுதிகளில் 519 கடைகளில் சோதனை நடத்தப்பட்டது.
இதில் காலாவதியான மற்றும் ஐஎஸ்ஐ முத்திரையில்லாத தண்ணீர்பாக்கெட்டுகள் 14 ஆயிரத்து 350 பறிமுதல் செய்யப்பட் டன. இதன் மதிப்பு ரூ.17 ஆயிரத்து 400 ஆகும். மேலும் ஐஎஸ்ஐ முத்திரையில்லாத 208 தண்ணீர் பாட்டில்களும் பறிமுதல் செய்யப்பட்டன. இதன் மதிப்பு ரூ.3 ஆயிரத்து 61 ஆகும். கைப்பற்றப்பட்ட பொருட்கள் அந்தந்த பகுதிகளில் அழிக்கப்பட்டன.
மாநகராட்சி: நெல்லை மாநகராட்சியில் உணவு ஆய்வாளர்கள் சங்கரலிங் கம், கலியனான்டி, சுகாதார ஆய்வாளர்கள் சாகுல்ஹமீது, பரமசிவம் ஆகி யோர் அடங்கிய குழு சந் திப்பு பஸ் நிலையம், த.மு. சாலை ஆகிய இடங்களில் சோதனை நடத்தியது.
இதில் வசந்தா நகரில் மொத்தமாக 61 மூடை தண்ணீர் பாக்கெட்டுகள் பறிமுதல் செய்யப்பட்டன. மாநகராட்சி யில் 6 ஆயிரத்து 100 தண் ணீர் பாக்கெட்டுகளும், 80 ஜூஸ் பாட்டில்களும் பறிமுதல் செய்யப்பட்டன. இவற்றின் மதிப்பு ரூ.30 ஆயிரம் ஆகும்.
காவல்கிணறு சந்திப்பில் உள்ள கடையில் சுகாதார அதிகாரிகள் சோதனை நடத்தி காலாவதியான தண்ணீர் பாக்கெட்டுகளை பறிமுதல் செய்து அழித்தனர்.
