Urban News

தரமான குளோரின் வாங்க அதிகாரிகளுக்கு அறிவுரை

கம்பம்:குடிநீரில் கலக்கும் குளோரின் தரமானதாக இருக்க வேண்டும் என்று குடிநீர் வாரிய அதிகாரிகளுக்கு மாவட்ட கலெக்டர் உத்தரவிட்டுள்ளார். தேனி மாவட்டத்தில் உத்தமபாளையம் தாலுகாவில் வயிற்றுப் போக்கினால் நூற்றுக்கணக்கானோர் பாதிக்கப்பட்டுள்ளனர். குடிநீரில் தரமான குளோரின் போதிய அளவு கலக்காதது வயிற்று போக்கிற்கு காரணம் என சென்னை கிண்டியில் உள்ள கிங்ஸ் பரிசோதனை மையம் அறிக்கை தந்துள்ளது. இதன் அடிப்படையில் தரமான குளோரின் கொள்முதல் செய்ய வாரிய அதிகாரிகளுக்கு கலெக்டர் முத்துவீரன் உத்தரவிட் டுள்ளார். தற்போது வாங்கும் குளோரினை அரசு பரிசோதனை மையத்திற்கு அனுப்பி அதன் மூலப்பொருள்களை ஆய்வு செய்யவும் குடிநீர் பம்பிங் ஸ்டேஷன்களில் அதிகாரிகள் மேற் பார்வையில், குளோரின் கலக்கப்பட வேண் டும் என்றும் உத்தரவிட்டார்.

கள்ளக்குறிச்சி : கள்ளக்குறிச்சி தேசிய நெடுஞ்சாலையில் தேங்கி நிற்கும் கழிவு நீர் வாய்க்காலை சீரமைக்க நகராட்சி நடவடிக்கை எடுக்க வேண்டும்.கள்ளக்குறிச்சி தேசிய நெடுஞ்சாலையில் அமைந்துள்ள ஊராட்சி ஒன்றிய நடுநிலைப் பள்ளி சுற்றுச் சுவர் ஓரத்தில் செல்லும் கழிவு நீர் கால்வாயில் ஏராளமான கழிவுகள் அடைத் துள்ளன. அங்கு தேங்கிய கழிவு நீரில் கொசுக்கள் உற்பத்தியாகி நோய் பரவும் அபாய சூழல் நிலவுகிறது. கழிவு நீர் கால்வாய் ஓரத்தில் வரிசையாக சாலையோர கடைகள் உள்ளது.நகரின் முக்கிய சாலையான தேசிய நெடுஞ்சாலையில், வணிக நிறுவனங்கள் அமைந்துள்ள சாலையில் நோய் பரவும் அபாயத்துடன் காட்சி தரும் கழிவு நீர் கால் வாயை சுத்தம் செய்ய நகராட்சி நிர்வாகம் உடனடி நடவடிக்கை எடுக்க வேண்டும். கோடை விடுமுறை முடிந்து பள்ளி திறப்பதற்கு முன் இதனை சரி செய்ய வேண்டியது அவசியம். தாமதம் செய்தால் மாணவ, மாணவிகளுக்கு நோய் பரவும் ஆபத்தும் உள்ளது.