Urban News

கும்பகோணம் : கும்பகோணம் நகராட்சியில் யானைக்கால் நோய் தடுப்பு திட்டத்தின் கீழ் 3 நாள் இலவச மாத்திரை வழங்கும் பணி தொடங்கியது.

இத்திட்டத்தின் கீழ் யானைக்கால் நோய் கண்டறியப்பட்டுள்ள 13 மாவட் டங்களில் டி.இ.சி மற்றும் அல்பெண்டசோல் மாத்திரைகளை இலவசமாக வழங்க அரசு உத்தரவிட்டு உள்ளது. அந்த வகையில் நேற்று மாத்திரை வழங்கும் முகாம் தொடங் கியது. நகராட்சி தலைவர் தமிழழகன் மாத்திரைகளை வழங்கி தொடங்கி வைத்தார். இதையடுத்து வீடுவீடாக சென்று 45 வார்டுகளிலும் இன்றும், நாளையும் மாத்திரைகள் இலவசமாக வழங்கப்படுகிறது.

இதுகுறித்து நகராட்சி ஆணையர் பூங்கொடி கூறியதாவது: நகராட்சி மருத்துவ பணியாளர்கள் வீடுவீடாக சென்று இலவச மாத்திரைகள் வழங்கி கொண்டிருக் கின்றனர். 2 முதல் 5 வயது வரையுள்ளவர் அல்பென் டசோல், டி.இ.சி மாத்திரைகளை தலா ஒன்று வீதம் உட்கொள்ள வேண்டும்.

6 முதல் 14 வயது வரையுள்ளவர்கள் அல்பென்டசோல் ஒன்றும், டி.இ.சி இரண் டும் உட்கொள்ள வேண் டும். 15 முதல் 60 வயது வரை உள்ளவர்கள் அல்பென்டசோல் ஒன் றும், டி.இ.சி மூன்றும் உட்கொள்ள வேண்டும். இம்மாத்திரைகளை உணவு சாப்பிட்ட பிறகு ஒரே வேளையில் சாப்பிட வேண்டும். உணவு சாப்பிடாமல் மாத்திரைகளை போட்டு கொள்ள கூடாது.

நீண்டநாள் நோயாளிகள், சர்க்கரை நோய் உள்ளவர்கள், ரத்த அழுத்தம், இதய நோய் உள்ளவர்கள், மனநிலை சரியில்லாதோர், கர்ப்பிணி மற்றும் பாலூட் டும் தாய்மார்கள், 2 வயதுக்கு கீழ் உள்ள குழந்தைகள், 60 வயதுக்கு மேற்பட் டவர்கள் இம்மாத்திரைகளை உட்கொள்ள கூடாது என்றார்.

பெரம்பலூர் : பெரம்பலூர் மாவட்டத்தில் யானைக்கால் நோயை முற்றிலும் ஒழிக்கும் பொருட்டு பொதுமக்கள் அனைவருக்கும் டி.இ.சி மாத்திரை நேற்று வழங்கப்பட்டது.
பெரம்பலூர் மாவட்ட கலெக்டர் விஜயகுமார் மாத்திரை வழங்கும் முகாமை வீடு வீடாக சென்று துவக்கி வைத்து பேசியதாவது, பெரம்பலூர் மாவட்டத்தில் யானைக்கால் நோய் வராமல் தடுக்கும் பொருட்டு பொதுமக்கள் அனைவருக்கும் டி.இ.சி மாத்திரை வழங்கப்படுகிறது. 2 வயது முதல் 5 வயது வரை ஒரு மாத்திரையும், 6வயது முதல் 14 வயது வரை இரண்டு மாத்திரையும், 15 வயது முதல் உள்ளவர்களுக்கு 3 மாத்திரையும் வழங்கப்படுகிறது. இத்துடன் அல்பெண்டாசோல் ஒரு மாத்திரையும் சேர்த்து வழங்கப்படுகிறது. 2 வயதுக்குட்பட்டவர்களுக்கும், கர்ப்பிணி பெண்களுக்கும், 60 வயதுக்கு மேல் உள்ளவர்களுக்கும், நோய் வாய்ப்பட்டவர்களுக்கும் இந்த மாத்திரை வழங்கப்படமாட்டாது.

இந்த மாத்திரையால் உடலிற்கு எந்தவித தீங்கும் இல்லை. மாத்திரை வழங்கும் பணியில் சுகாதாரத்துறை பணியாளர்கள், ஊட்டச்சத்து பணியாளர்கள் மற்றும் தன்னார்வ பணியாளர்கள், மகளிர்சுயஉதவிக்குழு உறுப்பினர்கள் என 2 ஆயிரத்து 141 பணியாளர்கள் ஈடுபடுகின்றனர். இதன் மூலம் 4 லட்சத்து 55 ஆயிரத்து 827 பேர் மாவட்டத்தில் பயன் பெறுவர்.

விடுபட்டவர்களுக்கு இன் றும்(1ம்தேதி), நாளையும்(2ம் தேதி) சுகாதார பணியாளர்கள் மூலம் மாத்திரைகள் வழங்கப்படும். இந்த திட்டத்தின் மூலம் மாத்திரை சாப்பிடுவதால் வரும் 5 ஆண்டுகளுக்குள் யானைக்கால் நோயை முற்றிலும் ஒழித்து விடலாம். எனவே பொதுமக்கள் அனைவரும் இந்த மாத்திரையை வாங்கி சாப்பிட்டு யானைக்கால் நோய் வராமல் தடுக்கவேண்டும் என்றார்.

நிகழ்ச்சியில் எம்எல்ஏ ராஜ்குமார், நகராட்சி தலைவர் ராஜா, டிஆர்ஓ பழனிசாமி, ஆர்டிஓ பாலுசாமி உட்பட வருவாய்துறை அதிகாரிகள் மருத்துவ துறை அதிகாரிகள் கலந்துகொண்டனர்.