தினகரன் 12.08.2010
கோவை உள்பட 6 மாவட்டங்களில் ஸீ 1711 கோடி செலவில் கூட்டு குடிநீர் திட்டங்கள்
சென்னை, ஆக.12: கோவை, மதுரை உள்பட 6 மாவட்டங்களில் ஸீ1711 கோடியே 62 லட்சம் செலவில் கூட்டு குடிநீர் திட்டங்களை நிறைவேற்றுவதற்கு முதல்வர் கருணாநிதி ஒப்புதல் அளித்துள்ளார்.
மதுரை, கோவை, நாகை, விருதுநகர், சிவகங்கை, திருப்பூர் ஆகிய 6 மாவட்டங்களில் குடிநீர் வசதிகளை மேம்படுத்த 5 கூட்டு குடிநீர் திட்டங்கள் நிறைவேற்றப்படுகிறது. இத்திட்டங்களுக்கு முதல்வர் கருணாநிதி, நேற்று நிர்வாக ஒப்புதல் அளித்தார்.
இதன்படி, நாகப்பட்டினம் மாவட்டம் சீர்காழி, கொள்ளிடம், செம்பனார்கோயில், மயிலாடுதுறை ஆகிய ஊராட்சி ஒன்றியங்களில் உள்ள 295 குடியிருப்புகள், 315 வழியோர குடியிருப்புகளுக்கான கூட்டு குடிநீர் திட்டம் ஸீ105.70
கோடியில் நிறைவேற்றப்படும். விருதுநகர் மாவட்டத்தின் 7 பேரூராட்சிகள், ராஜபாளையம், ஸ்ரீவில்லிபுத்தூர், வத்திராயிருப்பு, சிவகாசி ஆகிய ஒன்றியங்களில் உள்ள 395 ஊரக குடியிருப்புகளுக்கான கூட்டு குடிநீர் திட்டம்
ஸீ173 கோடியில் நிறைவேற்றப்படும். அருப்புக்கோட்டை, காரியாபட்டி, திருச்சுழி, நரிக்குடி, விருதுநகர் ஒன்றியங்களின் 637 குடியிருப்புகளுக்கான கூட்டு குடிநீர் திட்டம்
ஸீ190 கோடியில் நிறைவேற்றப்படும். சாத்தூர், வெம்பக்கோட்டை, சிவகாசி, விருதுநகர், வத்திராயிருப்பு, ஸ்ரீவில்லிபுத்தூர், அருப்புக்கோட்டை ஒன்றியங்களைச் சேர்ந்த 755 குடியிருப்புகளுக்கான கூட்டு குடிநீர் திட்டம்
ஸீ234 கோடியில் நிறைவேற்றப்படும். மதுரை மாவட்டம் மேலூர், அவனியாபுரம், திருமங்கலம் நகராட்சிகள், அ.வெள்ளாளபட்டி, விளாங்குடி, பரவை, திருநகர், அலங்காநல்லூர், பாலமேடு பேரூராட்சிகள் மற்றும் 8 ஊராட்சி ஒன்றியங் களைச் சேர்ந்த 1430 குடியிருப்புகள், சிவங்கை மாவட்டம் சிங்கம்புணரி பேரூராட்சிக்கான கூட்டு குடிநீர் திட்டம் ஸீ784 கோடியில் நிறைவேற்றப்படும்.
கோவை, திருப்பூர் மாவட்டம் பல்லடம் நகராட்சி, 23 பேரூராட்சிகள், 8 ஊராட்சி ஒன்றியங்களைச் சேர்ந்த 965 ஊரக குடியிருப்புகளுக்கான குடிநீர் மேம்பாட்டு திட்டம் ஸீ224 கோடியே 92 லட்சத்தில் நிறைவேற்றப்படும். இந்த தகவல், தமிழக அரசு வெளியிட்ட அறிக்கையில் தெரிவிக்கப்பட்டுள்ளது.
