தினகரன் 06.01.2014
போர்வெல் மினிடேங்க் திறப்பு
இடைப்பாடி, : இடைப்பாடி நகராட்சி சின்னமணலி 18வது வார்டில் பேர்வெல் மினிடேங்க் ரூ.2 லட்சத்து 24 ஆயிரம் மதிப்பில் மக்கள் பயன்பாட்டிற்காக தொடங்கி வைக்கும் நிகழ்ச்சி நேற்று நடந்தது. இதனை இடைப்பாடி நகர்மன்ற தலைவர் கதிரேசன் தொடங்கி வைத்தார். துணைத்தலைவர் ராமன், பாசறை இளம்பெண் நகர செயலாளர் சங்கர்கணேஷ், நாராயணன், கவுன்சிலர் ரோகினி, செந்தில் ஆகியோர் முன்னிலை வகித்தனர். இதனை தொடர்ந்து மினிடேங்க் பொதுமக்கள் பயன்பாட்டிற்கு வந்தது.
அதேபோல் ரூ.ஒரு லட்சம் மதிப்பில் அதே பகுதியில் மற்றொரு மினிடேங்கை நகர் மன்ற தலைவர் கதிரேசன் திறந்து வைத்தார். இதில் திரளான பொதுமக்கள் கலந்து கொண்டனர்.
