Urban News

வைகை அணையில் இருந்து திண்டுக்கல்லுக்கு குடிநீர் கொண்டுவர ஆய்வு

நகரில் பாதாள சாக்கடைகள் அமைக்கும் பணிகளுக்காக பல்வேறு சாலைகள் தோண்டப்பட்டு குழாய்கள் பதிக்கப்பட்டு வருகின்றன. பொதுமக்கள் நலன் கருதி சாலைகளை உடனே சீரமைக்கத் திட்டங்களைத் தயாரித்து வருவாய்த் துறை அமைச்சர் இ.பெரியசாமி, துணை முதல்வரை நேரில் சந்தித்து இப்பணிகள் பற்றிய அவசியத்தை வலியுறுத்தினார். துணை முதல்வரும் இப்பணிகளின் அவசியத்தை ஏற்று நகராட்சிகளின் தலைமைப் பொறியாளரை திண்டுக்கல் நகருக்கு அனுப்பி வைத்தார்.

இத் திட்டத்தினை நிறைவேற்றுவதற்கான ஆய்வுப் பணிகள் மேற்கொள்ளப்பட்டு வருகின்றன. இத் திட்டம் நிறைவேறும்போது திண்டுக்கல் நகரில் தினந்தோறும் குடிநீர் விநியோகம் ஒரே சீராக அமையும். நிலைமை இவ்வாறு இருக்க இதற்கான போராட்டங்கள், உண்ணாவிரதங்கள், மறியல்கள் அவசியமற்றது. மேலும் கொசு ஒழிப்புக்காக நகராட்சி சார்பில் வாங்கப்பட்ட நவீன கருவிகள் மூலம் தினந்தோறும் எல்லா பகுதிகளிலும் சுழற்சி முறையில் புகை தெளிக்கப்பட்டு வருகிறது. கம்ப்ரசர் மூலம் மருந்து அடிக்கப்பட்டு வருகிறது என நகர்மன்றத் தலைவர் ஆர். நடராஜன் தெரிவித்துள்ளார்.