Urban News

சென்னை, செப்.14- சென்னை மற்றும் புறநகர் பகுதியில் கடந்த ஒரு மாதமாக விட்டு விட்டு மழை பெய்து வருகிறது. இதன் காரணமாக சென்னைக்கு குடிநீர் வழங்கும் ஏரிகளுக்கு அவ்வப்போது தணணீர் வந்து கொண்டிருக்கிறது.

நேற்று இரவு பெய்த மழையால் ஏரிகளுக்கு மீண்டும் தண்ணீர் வருகிறது. பூண்டி ஏரி நீர்பிடிப்பு பகுதியில் 9.4 மில்லி மீட்டர் மழை பெய்து இருக்கிறது. செங்குன்றத்தில் 1 மி.மீ., சோழவரம், செம்பரம்பாக்கம் ஏரிகள் பகுதியில் 5 மி.மீ. மழை பெய்துள்ளது. வீராணத்தில் 12.2 மி.மீ. மழை பெய்தது.

இன்று காலை நிலவரப்படி பூண்டி ஏரிக்கு 58 கன அடி தண்ணீர் வருகிறது. புழல் ஏரிக்கு 140 கன அடியும், சோழவரத்துக்கு 185 கனஅடியும், செம்பரம் பாக்கத்துக்கு 93 கனஅடியும் வருகிறது. வீராணம் ஏரிக்கு வினாடிக்கு 1300 வீதம் தண்ணீர் வந்து கொண்டிருக்கிறது.

கடந்த ஆண்டு இதே நாளில் சென்னை குடிநீர் ஏரிகளில் மொத்தம் 2 ஆயிரத்து 755 மில்லியன் கனஅடி தண்ணீர் இருந்தது. ஆனால் இந்த ஆண்டு 5 ஆயிரத்து 454 மில்லியன் கனஅடி தண்ணீர் உள்ளது. இது கடந்த ஆண்டு இருந்த தண்ணீரை விட சுமார் 2 மடங்கு அதிகமாகும்.

தமிழ்நாட்டில் இன்னும் வடகிழக்கு பருவமழை தொடங்கவில்லை. என்றாலும் தென்மேற்கு பருவமழை மற்றும் வெப்பசலனம் காரணமாக மழை பெய்வதால் சென்னை குடிநீர் ஏரிகளில் நீர்மட்டம் உயர்ந்து வருகிறது.

புழல் ஏரியின் மொத்த உயரம் 21.20அடி. இன்றைய நீர்மட்டம் 11.11 அடி. பூண்டி ஏரியின் இன்றைய நீர்மட்டம் 27.90 அடி. இதன் மொத்த உயரம் 35 அடி. சோழவரம் ஏரி உயரம் 17.86 அடி. இன்றைய நீர்மட்டம் 9.14 அடி. செம்பரம்பாக்கத்தில் தற்போதைய நீர்மட்டம் 15.79 அடி. மொத்த உயரம் 24 அடி. வீராணம் ஏரியில் இன்று காலை நீர்மட்டம் 12.20 அடி. இதன் மொத்த உயரம் 15.60 அடி.

தொடர்ந்து மழை பெய்ய வாய்ப்பு உள்ளது. பருவமழையும் தொடங்க இருக்கிறது. எனவே ஏரிகள் நீர்மட்டம் வேகமாக உயர வாய்ப்புள்ளது என்று குடிநீர் வாரிய அதிகாரி ஒருவர் தெரிவித்தார்.

மும்பை, செப்.14: மும்பை ஏரிகளில் நிரம்பி வழிந்து தினசரி கடலில் கலக்கும் லட்சக்கணக்கான லிட்டர் கூடுதல் மழைநீரை சேமித்து வைப்பது குறித்து மாநகராட்சி திட்டமிட்டு வருகிறது. கூடுதல் தண்ணீரை எப்படி சேமிப்பது என்பது குறித்து ஆய்வு மேற்கொள்ளும்படி அதிகாரிகளை மாநகராட்சி கமி ஷனர் சுவாதீன் ஷத்திரியா கேட்டுக்கொண்டுள்ளார்.

ஷத்திரியா இது குறித்து கூறுகையில், "நகரில் உள்ள மூன்று ஏரிகளில் இருந்து ஏராளமான தண்ணீர் வெளியேறி வீணாக கடலில் கலக்கிறது. இதை சேமிப்பது அவசியம்Ó என்றார்.

துள்சி மற்றும் பவாய் ஆகிய இரண்டு ஏரிகளும் 100 சதவீதம் நிரம்பி விட்டன. தற்போது அவை நிரம்பி வழிந்து கொண்டி ருக்கின்றன. துள்சி ஏரியில் இருந்து மும்பை நகருக்கு தினசரி 18 மில்லியன் லிட்டர் தண்ணீர் சப்ளை ஆகிறது. மற்றொரு ஏரியான விஹார், கிழக்கு புற நகரில் உள்ள குர்லா, கலீனா மற்றும் பவாயின் ஒரு சில பகுதிகளுக்கு தினசரி 110 மில்லியன் லிட்டர் தண்ணீர் சப்ளை செய்கிறது. இது தவிர தொழிற்சாலைகளுக்கும் தண் ணீர் சப்ளை செய்கிறது.

பவாய் ஏரியின் தண்ணீர் தொழிற்சாலைகளுக்கு மட்டுமே பயன்படுத்தப்பட்டு வருகிறது. இந்த ஏரியில் உபரி நீரை சேமித்தால் அதை குடிநீருக்கும் பயன்படுத்திக் கொள்ளலாம். இந்த ஏரிகளில் உபரி நீரை சேமித்து வைப்பது கஷ்டமான காரியம்தான் என்ற போதிலும் அது சாத்திய மானது தான் என்று நிபுணர்கள் கருத்து தெரிவித் துள்ளனர்.

எனினும் பவாய் ஏரியை சுற்றிலும் குடியிருப்பு கட்டி டங்கள் அதிகம் உள்ளதால் இந்த ஏரியில் உபரி நீரை சேமித்து வைப்பது கடினம் ஆகும். அப்படி செய்தால் குடியிருப்பு பகுதிகளுக்குள் வெள்ளப்பெருக்கு ஏற்படும் ஆபத்து உள்ளது. அதே சமயத்தில் விகார் மற்றும் துள்சி ஏரிகளின் உயரத்தை 4 முதல் 5 அடி வரை அதிக ரித்து தண்ணீரை தேக்கி வைக்கலாம் என குடிநீர் சப்ளை நிபுணர் ஆனந்த் தேவ் தார் கருத்து தெரிவித்துள்ளார்.