Urban News

வெள்ளகோவில்: ""காவிரி கூட்டுக் குடிநீர் திட்டத்தில் மூலனூர், வெள்ளகோவிலில் விடுபட்ட பகுதிக்கு 26 கோடி ரூபாய் செலவில் குடிநீர் விஸ்தரிப்பு பணி நடக்கிறது,'' என, மாவட்ட பஞ்சாயத்து துணைத்தலைவர் இல பத்மநாபன் கூறினார்.

அவர் கூறியதாவது:மாவட்ட பஞ்சாயத்து நிதி மூலம் 2006-07ல் பெரமியம் பஞ்சாயத்து அக்கறைபாளையம், அத்திமரத்தூர் மற்றும் நொச்சிகாட்டு வலசு வரை நான்கு லட்சம் ரூபாய் செலவில் மெட்டல் சாலை அமைக்கப்பட்டுள்ளது.கிளாங்குண்டல் பஞ்சாயத்தில் புத்தூர் - அனுப்பப்பட்டி வரை புதிய மெட்டல் சாலை மூன்று லட்சம் ரூபாய், கருப்பன்வலசு பஞ்சாயத்தில் நல்லசெல்லிபாளையம் முதல் பட்டத்திபாளையம் வரை மண் சாலை 1.75 லட்சம் ரூபாய், வேளாம்பூண்டியில் கான்கிரீட் சாலை 60 ஆயிரம் ரூபாய் செலவில் அமைக்கப்பட்டது. தூரம்பாடி பஞ்சாயத்தில் ஒரு லட்சம் ரூபாய் செலவில் குடிநீர் பணி, பொன்னிவாடியில் 60 ஆயிரம் ரூபாய் செலவில் ஆழ்குழாய் அமைக்கப்பட்டது.

பெரமியத்தில் 2007-08ல் 1.20 லட்சம் ரூபாய் செலவில் எருக்கலங்காட்டு புதூரில் ஆழ்குழாய் அமைத்து நீர்மூழ்கி மோட்டார் வைத்து குழாய் அமைக்கப்பட்டது. 3.22 லட்சம் ரூபாய் செலவில் கருப்பன்வலசில் தார் சாலை அமைக்கப்பட்டது.குமாரபாளையத்தில் 3.15 லட்சம் ரூபாய் செலவில் மாவட்ட எல்லை சாலை முதல் கந்தசாமிபுதூர் வரை தார் சாலை அமைக்கப்பட்டது. தூரம்பாடி பஞ்சாயத்தில் 26 ஆயிரம் ரூபாய், நைனாகவுண்டர்வலசில் 30 ஆயிரம் ரூபாய், ஆதிதிராவிடர் காலனியில் 19 ஆயிரம் ரூபாய், புஞ்சைத்தலையூரில் 20 ஆயிரம் ரூபாய், நைனாக்கவுண்டன்வலசில் 33 ஆயிரம் ரூபாய் செலவில் குழாய் விஸ்தரிக்கப்பட்டுள்ளது.புஞ்சைத்தலையூர் பஞ்சாயத்து சேனாபதிபாளையம் குடியிருப்பு மற்றும் பெருமாள்பாளையத்தில் ஆழ்குழாய் அமைத்து கைப்பம்பு பொறுத்த 65 ஆயிரம் ரூபாய், கிளாங்குண்டல் பஞ்சாயத்து பெருமாள்பாளையம் குடியிருப்பில் புதிய ஆழ்குழாய் கிணறு அமைத்து கைப்பம்பு பொருத்த 65 ஆயிரம் ரூபாய் செலவிடப்பட்டுள்ளது.

ஆனப்பாளி முதல் மார்க்கம்பட்டி வரை கப்பி சாலை 1.96 லட்சம் ரூபாய் செலவிலும், பெருமாள் பாளையத்தில் சிமென்ட் சாலை ஒரு லட்சம் ரூபாய் செலவிலும், பொன்னிவாடி பஞ்சாயத்து எழுக்காம்வலசில் சிமென்ட் சாலை ஒரு லட்சம் ரூபாய் செலவிலும், தூரம்பாடி பஞ்சாயத்து நத்தப்பாளையத்தில் இருந்து புளியம்பட்டி தட்டாங்காடு வழியாக வத்தக்காளிவலசு வரை மெட்டல் சாலை 1.31 லட்சம் ரூபாய் செலவிலும் சீரமைக்கப்பட்டுள்ளது.

காவிரி கூட்டு குடிநீர் திட்டத்தில் மூலனூர், வெள்ளகோவிலில் விடுபட்ட பகுதிக்கு 26 கோடி ரூபாய் செலவில் குடிநீர் விஸ்தரிப்பு பணி நடக்கிறது. வடுகபட்டி, கன்னிவாடி, எழுகாவலசு பள்ளிகள் மேல்நிலையாக தரம் உயர்த்தப்பட்டுள்ளன. மாவட்ட பஞ்சாயத்து நிதியில் ராமபட்டிணத்தில் மயானம், நஞ்சத்தலையூர் பள்ளியில் சத்துணவு மையம், திருப்பூர் - திண்டுக்கல்லுக்கு மூலக்கடை, பொன்னிவாடி, பள்ளபாளையம் வழியாக புதிய பஸ் வழித்தடம் உள்பட அனைத்து திட்டங்களுக்கும் தமிழக அரசு அனுமதி அளித்துள்ளது.இத்தகவலை மாவட்ட பஞ்சாயத்து துணைத் தலைவரும் மூலனூர் ஒன்றிய தி.மு.க., ஒன்றிய செயலாளருமான இல.பத்மநாபன் தெரிவித்தார்.