Urban News

தினமலர் 12.04.2010

மீறுசமுத்திரம் கண்மாய் தண்ணீர் இனி குடிநீருக்கு

தேனி : தேனி மீறு சமுத்திரம் கண்மாயில் ஆறு அடி தண்ணீரை இனிமேல் குடிநீருக்கு பயன்படுத்த மாவட்ட நிர்வாகம் உத்தரவிட்டுள்ளது.தேனி உழவர்சந்தை அருகே உள்ள மீறு சமுத்திரம் கண்மாயில் நீர் தேங்கினால் நகர் பகுதியில் நிலத் தடி நீர் மட்டமும் உயரும். இந்த கண்மாயில் மீன்பிடிக்க கூடாது என கலெக் டர் தடை விதித்துள்ளார். தற்போது எப்போதும் மீறு சமுத்திரம் கண்மாயில் ஆறு அடி தண்ணீரை தேக்கி வைக்கும் அளவுக்கு கரைகளையும், நீர் வழிந் தோடியினையும் உயர்த் திக்கட்ட பொதுப்பணித்துறையினருக்கு உத்தரவிடப்பட்டுள்ளது.தேங்கி நிற்கும் ஆறு அடி தண்ணீரும் குடிநீருக்கு மட்டும் பயன்படுத்தப்படும். கரையோரங்களில் போர்வெல் அமைத்து அடிநீர் தொட்டி அமைக்கவும் திட்டமிடப்பட்டுள்ளது. ஆறு அடிக்கு மேல் உள்ள தண்ணீர் மட்டுமே பாசனத் திற்கு பயன்படுத்த முடியும். இத்திட்டத்தை அமல்படுத்தும் முயற்சியில் பொதுப்பணித்துறையினர் இறங்கியுள்ளனர

தினமலர் 12.04.2010

ஒகேனக்கல் குடிநீர் திட்டம் நிறைவேற்ற வேண்டுகோள்

தர்மபுரி: 'தர்மபுரி மாவட்டத்தில் நிலவும் குடிநீர் தட்டுப்பாட்டை போக்க ஓகேனக்கல் கூட்டு குடிநீர் திட்டத்தை நிறைவேற்ற வேண்டும், ' என்று வன்னியர் சங்க பொதுக்குழுவில் தீர்மானம் நிறைவேற்றப்பட்டுள்ளது.தர்மபுரி மாவட்ட வன்னியர் சங்க பொதுக்குழு கூட்டம் நடந்தது. சங்க துணை தலைவர் செல்வம் தலைமை வகித்தார். மாது முன்னிலை வகித்தார். மாவட்ட செயலாளர் வஜ்ஜரவேலு வரவேற்றார். வன்னியர் சங்க தலைவர் குரு பேசினார். மாமல்லபுரத்தில் வரும் 28ம் தேதி நடக்கும் வன்னியர் இளைஞர் சித்திரை முழு நிலவு பெருவிழாவில் தர்மபுரி மாவட்டத்தில் இருந்து ஒரு லட்சத்துக்கும் மேற்பட்டவர்கள் கலந்து கொள்ள வேண்டும்.

தர்மபுரி மாவட்டத்தில் கடும் வறட்சி நிலவுவதால் குடிநீர் தட்டுப்பாட்டை போக்க ஓகேனக்கல் கூட்டு குடிநீர் திட்டத்தை தமிழக அரசு உடனடியாக செயல்படுத்த வேண்டும் என்பது உள்பட பல்வேறு தீர்மானங்கள் நிறைவேற்றப்பட்டன. பொறுப்பாளர்கள் வேடி, பாலு, முருகேசன், கவிதா செல்வராஜ், பெருமாள் உள்பட பலர் கலந்து கொண்டனர்