Urban News

மதுரை, ஏப். 6: குடிநீர் விநியோகத்துக்கு வைகை அணையில் மே மாதம் வரை தேவையான தண்ணீர் இருப்பில் உள்ளது. மேலும் மதுரையில் குப்பைகளை விரைவில் அகற்றுவதற்காக 400 தாற்காலிகப் பணியாளர்கள் நியமனம் செய்யப்பட உள்ளனர் என மாநகராட்சி ஆணையர் எஸ்.செபாஸ்டின் தெரிவித்தார்.

இதுகுறித்து செய்தியாளர்களிடம் அவர் கூறியது:

சித்திரைத் திருவிழாவை முன்னிட்டு அழகர் வைகை ஆற்றில் இறங்குவதற்கு தாற்காலிகப் பாலம் அமைக்கும் பணி நடைபெற்று வருகிறது. நகரில் குப்பைகளை உடனே அகற்றும் பணிக்காக 400 தாற்காலிகப் பணியாளர்கள் நியமிக்கப்பட உள்ளனர். மேலும் முக்கிய இடங்களில் 80 குடிநீர்த் தொட்டிகளும், திருவிழாவில் மக்கள் அதிகம் கூடும் இடங்களில் சிறப்பு மருத்துவ முகாம்களும் அமைக்கப்பட உள்ளன.

குடிநீர் விநியோகத்துக்கு வைகை அணையில் மே மாதம் வரையில் தேவையான தண்ணீர் இருப்பில் உள்ளது. கரிமேடு மீன் மார்க்கெட் ஏலதாரருக்கு மாநகராட்சி நிர்ணயம் செய்த கட்டணத்தை வசூலிக்க அது குறித்த விவரத்தை எழுதி வைக்க வேண்டும். எனவே மீன் கடைகளைத் திறக்க வேண்டும்.

அதேபோல் மீனாட்சியம்மன் கோயில் பொற்றாமரை குளத்தில் ஆண்டுதோறும் தண்ணீர் நிரப்ப ரூ.46 லட்சம் மதிப்பீடு செய்துள்ள நிலையில், அதில் மாநகராட்சி சார்பில் ரூ.20 லட்சம் வழங்கவும், மீதத் தொகை கோயில் நிர்வாகம் வழங்குமாறும் கடிதம் அனுப்பினர்.

அதற்குக் கோயில் நிர்வாகம் கட்டணம் இல்லாமல் இலவசமாக வழங்குமாறு கோரி உள்ளனர். இக்கடிதத்தின் மீது மாமன்றக் கூட்டத்தில் விவாதித்து நடவடிக்கை எடுக்கப்படும் எனத் தெரிவித்தார்.

திட்டக்குடி: திட்டக்குடியில் குடிநீர் தட்டுப்பாட்டை போக்க மின்நிறுத்த நேரத்தை மாற்றியமைக்க வேண்டும். திட்டக்குடி தாலுக்காவின் தலைமையிடமான திட்டக்குடி நகர்ப்புறத்திலுள்ள 18 வார்டுகளிலும் சுமார் 35 ஆயிரத்திற்கும் மேற்பட்ட மக்கள் வசித்து வருகின்றனர். இப்பகுதிக்கு தட்டுப்பாடின்றி குடிநீர் வழங்க வைத்தியநாத சுவாமி கோவிலுக்கு எதிர் புறம் 4.5 லட்சம் லிட்டர் கொள்ளளவு உடைய மேல்நிலை நீர்த்தேக்க தொட்டி கட்டப்பட் டுள்ளது. இது தவிர இளமங்கலத்தில் 30 ஆயிரம் மற்றும் ஒரு லட்சத்திலும், பெரியார் நகரில் ஒரு லட்சத்திலும், வதிஷ்டபுரத்தில் 2.5 லட்சத்திலும், கோழியூரில் ஒரு லட்சத்திலும் மேல் நிலை நீர் தேக்கத் தொட்டிகள் மோட்டார் இணைப்புடன் இயங்கி வருகின்றன. இந்நீர்தேக்கத் தொட்டிகள் மூலம் காலை 6 முதல் 8 மணி வரைக்கும் மாலை 4 முதல் 5 மணி வரைக்கும் முறையே தண்ணீர் விநியோகிக்கப்பட்டு, குடிநீர் சப்ளை வழங்கப்பட்டு வருகின்றது.

இதில் திட்டக்குடி நகர்ப்புறத்திலுள்ள 4.5 லட் சம் கொள்ளளவுடைய நீர்த் தொட்டிக்கு மட்டும் ராட் சத ஜெனரேட்டர் பொருத் தப்பட்டு, மின்இணைப்பு இல்லாத நேரத்திலும் தண் ணீர் வழங்கப்படுகிறது. மற்ற குடிநீர் தொட்டிகள் ஜெனரேட்டர் வசதியின்றி மின்இணைப்பு இல்லாத நேரத்தில் தண் ணீரை மேலேற்ற முடியாமல், உரிய நேரத்தில் குடிநீர் சப்ளை வழங்குவதில் பாதிப்பு ஏற்படுகிறது. மேலும், திட்டக்குடியில் மதியம் 12 முதல் 3 மணி வரையிலும் மின்இணைப்பு துண்டிக்கப்படுவதால், மாலை வேளையில் நகர்ப்புற மக்களுக்கே குடிநீர் வழங்குவதில் சிரமம் ஏற்படுகிறது. எனவே, மின்துண்டிப்பு நேரத்தை காலை 8 முதல் 11 மணி வரை மாற்றியமைத்தால் காலை மற்றும் மாலை வேளைகளில் தடையின்றி குடிநீர் சப்ளை வழங்க முடியும்.