Urban News

கம்பம்: ஹைவேவிஸ் அணையில் இருந்து தேனி மாவட்டத்திற்கு குடிநீர் சப்ளை செய்வது குறித்த ஆய்வுகள் குடிநீர் வடிகால்வாரியத்தினரால் மேற்கொள்ளப்பட்டு வருகிறது. மதுரை மற்றும் தேனி மாவட்டங்கள் குடிநீர் தேவைக்கு, பெரியாறு அணையை நம்பியுள்ளன. தேனி மாவட்டங்களிலுள்ள நகரப்பகுதிகள், நூற்றுக்கும் மேற்பட்ட கிராமங்களுக்கு வைகை ஆற்றில் கிணறுகள் அமைத்து, குழாய்கள் மூலம் பம்ப் செய்து, குடிநீர் சப்ளை செய்யப்படுகிறது.

மாற்று வழி: பெரியாறு அணையில் இருந்து குடிநீருக்கென தண்ணீர் எடுக்க முடியாத நிலை ஏற்படும் சமயங்களில், மாற்று உத்திகளை கையாள்வது குறித்து, குடிநீர் வாரியத்தின் 'குடிநீர் ஆதாரம் கண்டறியும் பிரிவு' ஆய்வுகளை மேற்கொண்டு வருகிறது. அதன்படி, பெரியாறு அணையில் இருந்து மதுரை மற்றும் தேனி மாவட்டங்களுக்கு ஆண்டிற்கு எவ்வளவு குடிநீர் எடுக்கப்படுகிறது என்ற கணக்கு விபரம் சேகரிக்கப்பட்டுள்ளது. பெரியாறு அணையில் இருந்து குடிநீருக்கு எடுக்கும் நீரை, மாற்று வழி யில் எவ்வாறு சேகரம் செய்வது, அதற்கான குடிநீர் ஆதாரங்கள் மாவட்டத்தில் எங்கெங்கு உள்ளது என பட்டியல் தயாரிக்கப்படுகிறது.

வேலூர், மார்ச் 28: குடியாத்தம் சட்டப் பேரவை தொகுதியில் நிலவும் குடிநீர் பிரச்னையை தீர்ப்பதற்கான திட்டங்களுக்காக ரூ.10 கோடி ஒதுக்க வேண்டுமென அத்தொகுதி எம்எல்ஏ ஜி.லதா, தமிழக முதல்வருக்கு கோரிக்கை விடுத்துள்ளார்.

இதுகுறித்து முதல்வருக்கு ஞாயிற்றுக்கிழமை அவர் அனுப்பிய மனு விவரம்:

குடியாத்தம் சட்டப் பேரவை தொகுதியில் கடுமையான வறட்சி நிலவுகிறது. குடிநீருக்கு அவதியுறும் நிலையுள்ளது. குடியாத்தம் நகரில் உள்ள 400 ஆழ்துளை கிணறுகளில் 250-க்கும் மேற்பட்டவை வற்றிவிட்டன.

இந்நிலையில் பொதுமக்கள் மற்றும் பல்வேறு அமைப்புகளின் கோரிக்கையை ஏற்று மோர்தானா அணையை திறந்து விட்டதற்கு முதல்வருக்கு நன்றி தெரிவித்துக் கொள்கிறேன்.

குடியாத்தம் பகுதியில் தற்போது நிலவும் குடிநீர் பிரச்னையை போக்க பசுமாத்தூர் பாலாறு படுகையில் நீர் உறிஞ்சி கிணறுகள் அருகே அமைக்கப்பட்டுள்ள மணல் குவாரிகளை ரத்து செய்ய வேண்டும்.

பசுமாத்தூர் தலைமை நீரேற்று நிலையத்தில் புதிதாக 3 நீர்உறிஞ்சி கிணறுகள், மின்மோட்டார், பைன் லைன்கள் அமைக்க ரூ.40 லட்சம், மாதனூர் பாலாற்றங்கரையில் புதியதாக 3 நீர் உறிஞ்சி கிணறுகள் அமைக்க ரூ.30 லட்சம், மாதனூரில் 5, பீமன்பட்டியில் 2 ஆழ்துளை கிணறுகள் அமைக்க ரூ.7 லட்சம், மின் மோட்டார்கள், 15 கிலோ மீட்டர் தொலைவுக்கு பைப் லைன்கள் அமைத்திட ரூ.63 லட்சம், பாக்கம் குடிநீர் மேம்பாட்டு திட்டம் கீழ் 5 ஆழ்துளை கிணறுகள், மின் மோட்டார்கள், 3.5 கிலோ மீட்டர் பைப் லைன்கள் அமைக்க ரூ.20 லட்சம்,

குடியாத்தம் நகரம், ஊராட்சிப் பகுதிகளில் நூறு ஆழ்துளை கிணறுகள் அமைக்க ரூ.1 கோடி, மோர்தானா அணையில் இருந்து நீர் உறிஞ்சி கிணறுகள் அமைத்து, குழாய் மூலம் நகராட்சி பகுதிகளுக்கும், ஊராட்சி பகுதிகளுக்கும் குடிநீர் வழங்க ரூ.2.50 கோடி, குடியாத்தம் ஊராட்சி ஒன்றிய பகுதிகளில் கூட்டு குடிநீர் திட்டங்கள் நிறைவேற்ற ரூ.5 கோடி என மொத்தம் ரூ.10 கோடி நிதி ஒதுக்கீடு செய்ய வேண்டும் என அவர் அந்த மனுவில் கோரியுள்ளார்.