தினமணி 11.06.2010
வீடு கட்ட நிதியுதவி
புதுச்சேரி, ஜூன் 10: புதுச்சேரியில் ஏழை எளியோர் கல் வீடு கட்ட நிதியுதவி அண்மையில் வழங்கப்பட்டது.
புதுச்சேரி அரியாங்குப்பம் தொகுதிக்கு உட்பட்ட பகுதியில் வறுமை கோட்டுக்கு கீழ் உள்ள குடும்பங்களுக்கு காமராஜர் கல் வீடு கட்டும் திட்டத்தின் கீழ் நிதியுதவி வழங்கப்பட்டது.
இதன்படி 2 மற்றும் 3-வது தவணைத் தொகையை, தொகுதி எம்எல்ஏ ஆர்.கே.ஆர்.அனந்தராமன் வழங்கினார். 25 குடும்பங்களுக்கு தலா ரூ.30 ஆயிரம் வீதம் ரூ.7.5 லட்சம் வழங்கப்பட்டது.
புதுவை குடிசை மாற்று வாரியத்தின் செயற் பொறியாளர் கலைமாறன், துணைப் பொறியாளர் ரவிச்சந்திரன், இளநிலை பொறியாளர் உதயகுமார் உள்ளிட்டோர் உடனிருந்தனர்.