Urban News

பழனியில் ஆக்கிரமிப்புகள் அகற்றம்

பழனி பஸ் நிலையத்தில் இருந்து மலைக்கோயிலுக்கு செல்லும் வழியில் வழிநெடுக சாலையின் இருபுறமும் கடைகள், நடைபாதை கடைகள் என ஏராளமான ஆக்கிரமிப்புகள் இருந்தன.

இதையடுத்து வியாழக்கிழமை நகராட்சி நிர்வாகம் உடனடியாக ஆக்கிரமிப்புகளை அகற்றும் பணியிóல் ஈடுபட்டது. தேவர் சிலை முதல் சரவணப்பொய்கை வரையில் முதல்கட்டமாக ஆக்கிரமிப்புகளை நகராட்சியினர் காவல்துறையினர் உதவியுடன் அகற்றினர். அப்போது அடிவாரம் வர்த்தகர் சங்கத்தினர் நகராட்சி ஆணையர் சித்திக் மற்றும் காவல்துறையினருடன் பேச்சு வார்த்தையில் ஈடுபட்டனர்.

அதைத் தொடர்ந்து கடைக்காரர்கள் மாலைக்குள் குறிப்பிட்ட பகுதிக்கு மேல் உள்ளவற்றை அகற்றுவதாக உறுதியளித்ததைத் தொடர்ந்து அதிகாரிகள் ஆக்கிரமிப்பகற்றத்தை நிறுத்தினர். தற்போது தேவர்சிலை முதல் பாதவிநாயகர் கோயில்வரை பக்தர்கள் இடையூறின்றி செல்லும் நிலையில் நெடுஞ்சாலை, வருவாய் மற்றும் திருக்கோயிலுக்கு உட்பட்ட கிரிவீதி பகுதியில் ஆக்கிரமிப்புகள் அப்படியே உள்ளன. இவற்றையும் அகற்ற வேண்டுமென பக்தர்கள் மாவட்ட நிர்வாகத்துக்கு கோரிக்கை விடுத்துள்ளனர்.